270 रुपयांचा बंपर डिव्हिडंड; एकाच दिवसात 700 रुपयांची उसळी, या शेअरने कमाल केली
Bumper Dividend: शेअर बाजारातील या कंपनीने गुंतवणूकदारांना जॅकपॉट लावला आहे. कंपनीने गुंतवणूकदारांना 270 रुपयांचा बंपर डिव्हिडंड जाहीर केला आहे. एकाच दिवसात हा शेअर 700 रुपयांनी उसळला आहे.
Bumper Dividend: Oracle Financial company च्या शेअरमध्ये तुफान आले आहे. ओरॅकल फायनान्शिअल सर्व्हिसेजचा शेअर गुरुवारी तुफान पळाला. बीएसईवर हा शेअर 9 टक्क्यांनी उसळून 8889.55 रुपयांवर पोहचला. एकाच दिवसात हा शेअर 700 रुपयांनी वधारला.
बुधवारी हा शेअर 8133.80 रुपयांवर बंद झाला होता. कंपनीचा शेअर बुधवारी 8889.55 रुपयांवर पोहचला. बंपर लांभाशाची घोषणा आणि चौथ्या तिमाहीतील कमाई यामुळे कंपनीचा शेअर गुरुवारी तेजीत होता. गुंतवणूकदारांच्या त्यावर उड्या पडल्या.
प्रत्येक शेअरवर 270 रुपयांचे बंपर डिव्हिडंड देण्याचा निर्णय कंपनीने घेतला आहे. त्यासाठी रेकॉर्ड डेट ही 7 मे 2026 आहे. या तारखेपर्यंत ज्या पात्र गुंतवणूकदारांकडे हा शेअर असेल त्याला फायदा होईल. 21 मे रोजी कंपनी अंतरिम डिव्हिडंडचे पेमेंट करेल.
काही ब्रोकरेज हाऊसने हा महागडा शेअर खरेदीचा सल्ला गुंतवणूकदारांना दिला आहे. या संस्थांनी हा शेअर येत्या काही दिवसात मोठी उसळी घेण्याची शक्यता वर्तवली आहे. हा शेअर 10, 890 रुपयांचे लक्ष्य सहज गाठेल असा दावा केला आहे. हा शेअर एका महिन्यात 2400 रुपयांहून अधिकने उसळला आहे.
तर 31 मार्च 2026 रोजी संपलेल्या तिमाहीत या कंपनीला 842 कोटी रुपयांचा नफा झाला आहे. तिमाही आधारावर या कंपनीचा नफा 38.1 टक्क्यांनी वधारला आहे. डिसेंबर 2025 तिमाहीत कंपनीला नफा 610 कोटी रुपये इतका होता.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
