अशी गार पहिलीच नसणार, गारपीटचे हे Photo पाहून व्हाल थक्क, शेतकऱ्यांचे कोट्यवधी रुपयांचे नुकसान
unseasonal rain in maharashtra | विदर्भात झालेल्या गारांचा पाऊस प्रचंड प्रमाणात होता. यामुळे 15 तासानंतर ही गारांचा खच अद्याप शेत शिवारात कायम आहे. शेतशिवारातील या गारा अद्याप विरघळल्या नाहीत. यामुळे शेतकऱ्यांना त्या उचलून पिकांमधून दुसऱ्या ठिकाणी न्यावी लागत आहे.
बुलढाणा जिल्ह्यातील देऊळगाव राजा तालुक्याल सीड हब म्हणून ओळख आहे. मात्र वादळी वाऱ्यासह झालेल्या अवकाळी पावसाने आणि गारपिटीने तालुक्यातील अनेक शेतकऱ्यांचे शेडनेट उन्मळून पडली आहेत. पिकांचे कोट्यवधी रुपयाचे नुकसान झाले.
बुलढाणा जिल्ह्यातील देऊळगाव राजा तालुक्यात असलेल्या आळंद येथे गारपीट आणि अवकाळी पाऊस झालाय. निबांच्या आकाराच्या गारी पडल्या. 15 तासानंतर ही गारांचा खच अद्याप कायम आहे. शेतांमध्ये साचलेल्या या गारा अद्याप विरघळल्या नाहीत.
शेतातील गारांचा खच एकत्र झाल्याने जवळपास 40 ते 50 किलीची गार तयार झाली आहे. ही गार पाहण्यासाठी शेतकऱ्यांनी गर्दी केलीय. तसेच मुख्यमंत्री एकनाथ शिंदे यांनी दिलेल्या आदेशानंतर नुकसानीची पंचनामे सुरु झाले आहे.
बुलढाणा जिल्ह्यातल्या सिंदखेड राजा तालुक्यात झालेल्या अवकाळी पावसाने आणि गारपीटने शेतकऱ्यांच्या पिकांचे मोठे नुकसान झाले आहे. सिंदखेड राजा तालुक्यातील गहू हरभरा मकासह संत्रांपिकांचे सुद्धा गारपीटने नुकसान झाले आहे.
बुलढाणा जिल्ह्यात झालेल्या नुकसानीची आमदार डॉ. राजेंद्र शिंगणे यांनी पाहणी केली. त्यांनी नुकसानग्रस्त शेतकऱ्यांना नुकसान भरपाई मिळवून देण्याचे आश्वासन दिलेय. तसेच पंचनामा करण्यासाठी आलेल्या कर्मचाऱ्यांना सुद्धा त्यांनी योग्य पद्धतीने पंचनामा करण्याच्या सूचना दिल्या आहेत.
