काही तरी मोठं घडणार? राहुल गांधींकडून अभिजीत दिपकेंना संपर्क करण्याचा प्रयत्न, वातावरण फिरणार?
राहुल गांधी आणि अभिजीत दिपकेंना मैत्रीच्या चर्चा सुरू झाल्यात. काँग्रेसने दिपकेंना चहापान कार्यक्रमात सहभागी होण्यासाठी प्रयत्न केल्याचे समोर आलं आहे.
राहुल गांधी आणि अभिजीत दिपके यांच्यात मैत्रीच्या चर्चा सुरू झाल्या आहेत. काँग्रेसने कॉक्रोच जनता पार्टीचे संस्थापक अभिजीत दिपके आणि इतर नेत्यांना चहापान कार्यक्रमात सहाभागी होण्यासाठी प्रयत्न केले आहेत.
काँग्रेसचा सीजेपीकडे बघण्याचा दृष्टीकोन बदलल्याची चर्चा सुरू झाली आहे. काही दिवसांपूर्वी काँग्रेसकडून कॉक्रोच जनता पार्टीला आम आदमी पक्षाची संघटनाचा असल्याचा आरोप करण्यात येत होता. परंतु आता काँग्रेसने कॉक्रोच जनता पार्टीला थेट चर्चेचे निमंत्रण दिल्याने अनेकांच्या भुवया उंचावल्या आहेत.
काँग्रेस सध्या मुख्य निवडणूक आयुक्त ज्ञानेश कुमार यांच्या राजीनाम्याची मागणी केली जात आहे. एसआयआर प्रक्रिया रद्द करण्याचीही मागणी केली जात आहे. लोकसभा विरोधी पक्षनेते राहुल गांधी यांनी विविध नेत्यांना चहासाठी आमंत्रण दिलं होतं. या बैठकीला इंडिया आघाडीचे नेते देखील होते.
मीडिया रिपोर्टनुसार, काँग्रेसने मंगळवारी सीजेपीच्या नेत्यांना संपर्क करण्याचा प्रयत्न केला. राहुल गांधी यांच्या सूचनेनंतर सीजेपी आणि इतर नेत्यांना संपर्क साधण्याचा प्रयत्न झाला. यासाठी काँग्रेसचे वकील, सामाजिक कार्यकर्ते प्रशांत भूषण यांनी मध्यस्थीची भूमिका केली. त्यांनी अभिजीत दिपकेंना संपर्क साधावा, यासाठी आग्रह केला.
जंतर मंतरवर भारताचा झेंडा फडकवल्याने आशुतोष रांका, सौरव दास यांना अटक करण्यात आली आहे. त्यांना 5 दिवसांची न्यायालयीन कोठडी ठोठावण्यात आली आहे.
