Photo : माहूरमध्ये उमलला दुर्मिळ पिवळा पळस, पाहा फोटो !
दुर्मिळ समजल्या जाणारा पिवळा पळस सध्या माहूरमध्ये पर्यटकांचे लक्ष वेधून घेतोय.
दुर्मिळ समजल्या जाणारा पिवळा पळस सध्या माहूरमध्ये पर्यटकांचे लक्ष वेधून घेतोय. माहूर तालुक्यातील वडसा गावाजवळ रस्त्याच्या लगत हा पिवळा पळस फुललेला दिसतोय. दुर्मिळ पिवळ्या पळसफुलांचे आयुर्वेदशास्त्रात औषधी महत्व खूप आहे.
सर्वसाधारणपणे पळस हा लाल, केशरी रंगाचा असतो, मात्र पिवळा पळस हा दुर्मिळ मानल्या जातो. त्यामुळे रस्त्याच्या कडेला असलेल्या या पिवळ्या पळसाला पाहण्यासाठी लोक गर्दी करतायेत.
विदर्भातील वाशिममधील मंगरुळपिर तालुक्यातील वनोजा शिवारात व अमरावती जिल्हात मोर्शी तालुक्यात विचोरी दाभेरी शिवारात दुर्मिळ पिवळा पळस असल्याची नोंद असुन, वाशिम आणि अमरावतीनंतर आता पिवळा पळस नांदेड जिल्हातील माहूर येथे सापडला आहे.
वसंत ऋतूच्या आगमणाची चाहुल लागते लाल केशरी पळसाच्या फुलानी, रखरखत्या उन्हातही निसर्गाचे सौंदर्य या फुलांमुळे अधिक खुलुन दिसते.
रंगपंचमी जवळ आली की, आठवण होते की, पळसच्या फुलांची केसरी आणि लाल पळसची फुले सर्वांनाच माहिती आहेत. मात्र, माहूर तालुक्यातील वडसा गावाजवळ आलेली ही फुले अत्यंत दुर्मिळ आहेत.
सह्याद्रीच्या पर्वतरांगात जैवविविधतेने नटलेल्या माहूर तालुक्यातील डोंगरदऱ्यात अशा विविध दुर्मिळ वनस्पती आढळतात.