चित्रपटांमध्ये अपयश मात्र सोशल मीडियावर स्टार बनली सलमानची ऑनस्क्रीन बहीण; कमावते इतके कोटी रुपये
सलमान खान आणि सोनम कपूर यांच्या मुख्य भूमिका असलेल्या 'प्रेम रतन धन पायो' या चित्रपटात सलमानच्या बहिणीची भूमिका साकारलेली अभिनेत्री आठवतेय का? आशिका भाटिया असं तिचं नाव असून सध्या सोशल मीडियावर ती स्टार बनली आहे.
सोशल मीडियावर स्टार बनणं हे प्रत्येकालाच जमत नाही. इथे चाहत्यांसाठी काही सेकंदांची रिल किंवा व्हिडीओ बनवण्यासाठी इन्फ्लुएन्सर्सना कित्येक तास मेहनत करावी लागते. ठराविक लोकांनाच त्यामध्ये यश मिळतं. कलाविश्वात असे बरेच कलाकार आहेत, ज्यांनी अभिनय श्रेत्रात नशीब आजमावल्यानंतर सोशल मीडियाकडे मोर्चा वळविला आणि तिथून प्रचंड प्रसिद्धी मिळवली.
यामध्ये टीव्ही अभिनेत्री आशिका भाटियाचाही समावेश आहे. 'परवरिश- कुछ खट्टी कुछ मिठी' या मालिकेत गुणवंत कौर आहलुवालियाची भूमिका साकारून ती घराघरात पोहोचली. यानंतर तिला थेट अभिनेता सलमान खानच्या 'प्रेम रतन धन पायो' या चित्रपटाची ऑफर मिळाली.
सलमानच्या या चित्रपटात आशिकाने त्याच्या छोट्या बहिणीची भूमिका साकारली होती. मात्र या चित्रपटानंतर तिला फारशा ऑफर्स मिळाल्या नाहीत. अखेर घरी बसल्या बसल्या आशिकाने स्वत:चा युट्यूब चॅनल सुरू केला आणि त्यावर व्हिडीओ पोस्ट करण्यास सुरुवात केली.
आशिकाचं कंटेट नेटकऱ्यांना खूपच आवडू लागलं आणि हळूहळू तिला प्रसिद्धी मिळू लागली. आशिकाचे इन्स्टाग्राम अकाऊंटवर आता सहा दशलक्षांहून अधिक फॉलोअर्स आहेत. युट्यूबवरही तिचा मोठा चाहतावर्ग आहे. दोन्ही माध्यमांतून ती कोट्यवधींची कमाई करते.
आशिकाने 'बिग बॉस ओटीटी 2'मध्ये स्पर्धक म्हणून सहभाग घेतला होता. मात्र या शोचं विजेतेपद ती पटकावू शकली नाही. आशिकाच्या संपत्तीविषयी बोलायचं झाल्यास, रिपोर्ट्सनुसार ती जवळपास 14 कोटी रुपयांची मालकीण आहे. कमी वयातच ती युट्यूब, इन्स्टाग्रामद्वारे तगडी कमाई करतेय.
