Asia Cup 2023 : रोहित शर्मा याने मोडला शाहीद आफ्रिदीचा महारेकॉर्ड, काय केलं ते वाचा
Rohit Sharma : भारतीय कर्णधार रोहित शर्मा याच्या नावावर आणखी एका विक्रमाची नोंद झाली आहे. रोहित शर्मा याने अर्धशतकी खेळी करताना दोन षटकार मारले आणि विक्रम आपल्या नावावर केला.
भारतीय क्रिकेट संघाचा ओपनर रोहित शर्मा याने श्रीलंकेविरुद्ध 48 चेंडूत 53 धावांची खेळी केली. या खेळीत त्याने 7 चौकार आणि 2 षटकार ठोकले. यावेळी त्याने पाकिस्तानी क्रिकेटपटू शाहीद आफ्रिदीचा विक्रम मोडीत काढला.
आशिया कप स्पर्धेच्या इतिहासात सर्वाधिक षटकार मारणारा खेळाडू ठरला आहे. यापूर्वी हा विक्रम पाकिस्तानच्या शाहीद आफ्रिदीच्या नावावर होता.
रोहित शर्मा याने 25 डावात 28 षटकार ठोकले आहेत. तर शाहीद आफ्रिदीने 21 डावात 26 षटकार ठोकले आहेत. त्यानंतर श्रीलंकेच्या दिग्गज फलंदाज सनथ जयसूर्या याचा नंबर लागतो.
रोहित शर्मा 28, शाहिद आफ्रिदी 26, सनथ जयसूर्या 23, सुरेश रैना 18 आणि मोहम्मद नबीने 13 षटकार मारले आहेत.
रोहित शर्मा याने श्रीलंका विरोधात 22 धावा करतात 10 हजार धावांचा पल्ला गाठला आहे. रोहित शर्मा याने 248 सामन्यात 10031 धावा केल्या आहेत.
रोहित शर्मा याने आशिया कप स्पर्देत सलग तिसरं अर्धशतक झळकावलं आहे. वनडे आंतरराष्ट्रीय क्रिकेटमध्ये रोहित शर्मा याच्या नावावर 30 शतकं आणि 51 अर्धशतकं आहेत.
