28 षटकार मारत ठोकल्या 349 धावा! या खेळाडूसाठी फ्रेंचायझींनी उघडली दारं, स्टोक्स समान मिळणार भाव
बिग बॅश लीग स्पर्धेत बेन स्टोक्सला खरेदी करण्यासाठी फ्रेंचायझींमध्ये चढाओढ लागली आहे. पण असं असताना एका खेळाडूने सर्वाचं लक्ष वेधून घेतलंआहे. आता या खेळाडूसाठी फ्रेंचायझी वाटेल ती किंमत मोजण्यासाठी तयार आहेत.
बिग बॅश लीग स्पर्धेत बेन स्टोक्सला मोठी रक्कम मोजून संघात घेण्याची तयारी फ्रेंचायझींनी व्यक्त केली आहे. कोड स्पोर्ट्सच्या मते, स्टोक्सला 6 लाख डॉलर मोजून घेण्याची तयारी आहे. या लीग इतिहासातील ही सर्वात मोठी डिल असणार आहे. (Photo: PTI)
बेन स्टोक्सला भारतीय रुपयांमध्ये जवळपास 6 कोटी रुपये मिळू शकतात. सिडनी सिक्सर्स संघ त्याला संघात घेण्यासाठी तयार आहे. पण होबार्ट हरिकेंसही खरेदीची तयार करत आहे. (Photo: PTI)
कोड स्पोर्ट्समध्ये आलेल्या बातमीनुसार, बेन स्टोक्ससह फिन एलेनला खरेदी करण्यासाठी चढाओढ लागली आहे. उजव्या हाताच्या स्फोटक फलंदाजाला जवळपास 4 कोटी मिळू शकतात. (Photo: PTI)
फिन एलनने आयपीएल 2026 स्पर्धेतील 11 डावात 349 धावा केल्या होत्या. त्याने 28 षटकार मारले होते होते. त्यामुळे त्याची मागणीही जोरदार आहे. (Photo: PTI)
फिन एलनने मागच्या बिग बॅश लीग स्पर्धेत जबरदस्त कामगिरी केली होती. या खेळाडूने पर्थ स्कॉर्चर्ससाठी 466 धावा केल्या होत्या. त्याने 184.18 च्या स्ट्राईक रेटने या धावा केल्या होत्या. (Photo: PTI)
