IPL 2026 स्पर्धेत असं घडणार! वैभव सूर्यवंशी आयपीएलमध्ये ऑल टाइम रेकॉर्ड मोडणार
Vaibhav Sooryavanshi: आयपीएल 2026 स्पर्धेत वैभव सूर्यवंशीने आपल्या फलंदाजीने सर्वांचं लक्ष वेधून घेतलं आहे. इतकंच काय तर जसप्रीत बुमराहला दोन षटकार मारून आपला हेतूही स्पष्ट केला आहे. असं असताना या स्पर्धेत एक ऑल टाइम रेकॉर्ड सेट करणार असल्याचा दावा केला जात आहे.
आयपीएल 2026 स्पर्धेत वैभव सूर्यवंशी ऑल टाइम रेकॉर्ड सेट करणार असल्याचा दावा केला जात आहे. असं आम्ही नाही तर वैभव सूर्यवंशीचे प्रशिक्षक सांगत आहे. वैभव सूर्यवंशीचे प्रशिक्षक मनीष ओझा यांनी टीव्ही 9 शी बोलताना असा दावा केला आहे. त्यामुळे या विक्रमाबाबत ऐकून वाचून सर्वांची उत्सुकता वाढली आहे. (Photo: BCCI/IPL)
मनीष ओझा यांच्या मते वैभव सूर्यवंशी ऑल टाइम रेकॉर्ड मोडू शकतो. हा रेकॉर्ड ख्रिस गेलच्या नावावर असून त्याने 175 धावा केल्या आहेत. पण हा विक्रम मोडणं नाही त्याच्या पुढे जाणार असल्याचा दावा मनीष ओझा यांनी केला आहे. त्यांच्या मते, वैभव सूर्यवंशी कोणत्या ना कोत्या डावात 200 धावांची खेळी नक्कीच खेळेल आणि ऑल टाइम रेकॉर्ड सेट करेल. (Photo: BCCI/IPL)
ख्रिस गेलने आरसीबीकडून खेळताना 2013 मध्ये 175 धावांची खेळी केली होती. पुणे वॉरियर्सविरुद्धच्या सामन्या केलेली 175 धावांची खेळी अद्याप विक्रमाच्या यादीत अव्वल स्थानी आहे. गेल्या 13 वर्षापासून हा विक्रम अबाधित आहे. त्यामुळे आता हा विक्रम वैभव सूर्यवंशी मोडण्याची शक्यता आहे. (Photo: BCCI/IPL)
वैभव सूर्यवंशी आता 15 वर्षांचा असून त्याने अनेक विक्रम मोडले आणि रचले आहेत. त्यामुळे वैभव सूर्यवंशी भविष्यात किती विक्रम रचेल हे आता सांगणं कठीण आहे. पण त्याचा फॉर्म पाहता नव्या विक्रमांना गवसणी घालणार हे नक्की आहे. (Photo: BCCI/IPL)
वैभव सूर्यवंशी आतापर्यंत राजस्थान रॉयल्सकडून 3 सामने खेळला असून 122 केल्या आहेत. यात चेन्नई सुपर किंग्सविरुद्ध 52 धावांची खेळी केली. त्याचा स्ट्राईक रेट हा 248.97 चा आहे. वैभव या स्पर्धेत काय विक्रम रचतो? याकडे आता लक्ष असणार आहे. (Photo: BCCI/IPL)
