Dhruv Jurel | एकटाच भिडला, पूरुन उरला, ध्रुव जुरेलचा वन मॅन आर्मी शो
Dhruv Jurel IND vs ENG 4Th Test | ध्रुव जुरेल याने टीम इंडियासाठी इंग्लंड विरुद्धच्या चौथ्या कसोटी सामन्यात एकूण 129 धावा केल्या. ध्रुवने पहिल्या डावात 90 आणि दुसऱ्या डावात नाबाद 39 धावांची खेळी केली.
ध्रुव जुरेल या माजी सैनिकाच्या मुलाने टीम इंडियाला इंग्लंड विरुद्ध चौथ्या कसोटी सामन्यात विजय मिळवून देण्यात निर्णायक भूमिका बजावली. ध्रुव जुरेलने आपल्या बॅटिंगने वन मॅन आर्मी शो दाखवून दिला.
ध्रुव जुरेल याने टीम इंडिया दोन्ही डावात अडचणीत असताना तारणहाराची भूमिका बजवली. ध्रुवने केलेल्या कामगिरीमुळे सामन्याला कलाटणी मिळाली आणि सामना टीम इंडियाच्या बाजूने झुकला.
ध्रुव जुरेल याने इंग्लंड विरुद्ध पहिल्या डावात चिवट खेळी केली. ध्रुवने 90 धावांची झुंजार खेळी केली. ध्रुवच्या या खेळीत 6 चौकार आणि 4 सिक्सचा समावेश होता.
तर ध्रुवने दुसऱ्या डावात नाबाद 39 धावा केल्या. ध्रुवने टीम इंडिया अडचणीत असताना शुबमन गिल याच्यासोबत सहाव्या विकेटसाठी 72 धावांची भागीदारी करत टीम इंडियाला विजयापर्यंत पोहचवलं.
टीम इंडियाने चौथ्या कसोटी सामन्यासह 5 सामन्यांची मालिका 3-1 ने जिंकली. टीम इंडियाचा हा मायदेशातील सलग 17 वा मालिका विजय ठरला.
