IND vs ENG : रोहित शर्मा आणि विराट कोहली लॉर्ड्सवर रचणार विक्रम, नाणेफेक होताच रेकॉर्डची नोंद
भारत आणि इंग्लंड तिसऱ्या वनडे सामन्यावर क्रीडाप्रेमींचं लक्ष लागून आहे. हा सामना 19 जुलैला लॉर्ड्सवर खेळला जाईल. करो या मरोच्या सामन्यात विराट कोहली आणि रोहित शर्माच्या नावावर एक विक्रम रचला जाणार आहे.
भारत इंग्लंड तीन सामन्यांच्या वनडे मालिकेत 1-1 असी स्थिती आहे. त्यामुळे तिसऱ्या सामन्यात विजयी संघ मालिका खिशात घालणार आहे. त्यामुळे या सामन्याचं महत्त्व वाढलं आहे. हा सामना 19 जुलैला ऐतिहासिक लॉर्ड्स मैदानावर खेळला जाईल. (Photo: BCCI)
भारताने इंग्लंडमध्ये टी20 मालिका 4-0 ने गमावली आहे. त्यामुळे त्या मालिकेची भरपाई करण्यासाठी वनडे मालिका जिंकणं भाग आहे. असं असताना करो या मरोच्या सामन्यात अनुभवी विराट कोहली आणि रोहित शर्माकडे लक्ष असेल. हा सामना दोघांसाठी ऐतिहासिक सामनाही असणार आहे. (PC-PTI)
रोहित शर्मा आणि विराट कोहली यांनी आत्तापर्यंत एकत्र एकूण 399 आंतरराष्ट्रीय सामने खेळले आहेत. नाणेफेकीचा कौल झाला आणि दोघं प्लेइंग 11 मध्ये असले तर हा त्यांच्यासाठी 400 वा सामना असणार आहे. (PC-PTI)
विराट कोहली आणि रोहित शर्मा यांनी कसोटीत एकत्र 60 सामने, वनडे एकत्र 233 सामने आणि टी20 क्रिकेटमध्ये एकत्र 106 सामने खेळले आहे. त्यामुळे 234 वा वनडे सामना हा खास असणार आहे. (PC-PTI)
विराट कोहली आणि रोहित शर्मा यांनी यापू्र्वीच सचिन तेंडुलकर आणि राहुल द्रविड यांचा विक्रम मोडीत काढला आहे. या जोडीने एकत्रित 391 सामने खेळले आहे. आंतरराष्ट्रीय क्रिकेटमध्ये सर्वाधिक 550 सामने एकत्र खेळण्याचा विश्वविक्रम श्रीलंकेच्या कुमार संगकारा आणि महेला जयवर्धने यांच्या नावावर आहे. (PC-PTI)
