INDW vs ENGW : भारतीय महिला संघाच्या नावावर कसोटीत मोठा विक्रम, काय केलं ते वाचा
भारत आणि इंग्लंड वुमन्स संघांमध्ये कसोटी सामना पार पडला. हा सामना टीम इंडिया 347 धावांनी जिंकला. या विजयासह टीम इंडियाने विश्वविक्रम नोंदवला आहे. दीप्ती शर्माच्या भेदक गोलंदाजीसमोर इंग्लंडची दाणादाण उडाली. दोन्ही डावात मिळून 9 गडी एकटीने बाद केले.
भारत आणि इंग्लंड वुमन्स संघात एकमेव कसोटी सामना खेळला गेला. हा सामना भारताने आपल्या खिशात घातला आहे. पहिल्या डावात भारताने 428 धावांची खेळी केली होती. त्या बदल्यात इंग्लंडचा संघ अवघ्या 136 धावांवर बाद झाला.
दुसऱ्या डावात भारताने 186 धावा केल्या आणि डाव घोषित केला. तसेच विजयासाठी 478 धावांचं आव्हान दिलं. पण इंग्लंडचा संघ 131 धावा करू शकला.
टीम इंडियाने इंग्लंडवर 347 धावांनी विजय मिळवला आहे. महिला क्रिकेटमध्ये इतक्या फरकाने पराभूत करण्याची ही पहिलीच वेळ आहे. त्यामुळे मोठ्या फरकाने पराभूत केल्याचा विक्रम भारताच्या नावावर नोंदवला गेला आहे.
यापूर्वी हा विक्रम श्रीलंकेच्या नावावर होता. 1998 मध्ये श्रीलंकन महिला संघाने पाकिस्तानला 309 धावांनी पराभूत केलं होतं. आता हा विक्रम भारताने मोडीत काढला आहे. इंग्लंड महिला संघाला 347 धावांनी पराभूत केलं आहे.
दीप्ती शर्माच्या फिरकीपुढे इंग्लंडचा संघ काहीच खास करू शकला नाही. पहिल्या डावात 5.3 षटकं टाकत दीप्तीने 7 धावा दिल्या आणि 5 गडी बाद केले. त्यानंतर दुसऱ्या डावात 8 षटकात 32 धावा देत 4 गडी बाद केले.
पहिल्या डावात शुभा सतीश (69), जेमिमा रॉड्रिग्ज (68), यास्तिका भाटिया (66) आणि दीप्ती शर्मा (67) यांनी अर्धशतक झळकावले. दुसऱ्या डावात हरमनप्रीत कौर नाबाद 44 आणि शफाली वर्माने 33 धावा केल्या.
