Ishan Kishan Record: इशान किशनने मोडला 16 वर्षे जुना विक्रम, आता अव्वल स्थानी विराजमान
दुलीप ट्रॉफी स्पर्धेत इशान किशनच्या नेतृत्वात ईस्ट झोनने ट्रॉफीवर नाव कोरलं. या स्पर्धेत त्याने एक मोठा विक्रम आपल्या नावावर केला आहे. चला जाणून घेऊयात नेमकं काय केलं?
दुलीप ट्रॉफी स्पर्धेच्या अंतिम फेरीत इशान किशनने जबरदस्त कामगिरी केली. त्याने केलेलं विक्रम भारतीय क्रिकेट इतिहासात पहिल्यांदाच घडलं. डावखुरा फलंदाज इशान किशनने साऊथ झोनसाठी दोन्ही डावात 350 धावा करत विक्रम रचला. (PC-PTI)
दुलीप ट्रॉफी स्पर्धेत एका सामन्यात सर्वाधिक धावा करण्याचा मान इशान किशनला मिळाला आहे. ईस्ट झोनचा कर्णधार इशान किशनने पहिल्या डावात 270 धावा केल्या. तर दुसऱ्या डावात त्याने 80 धावांची खेळी केली. (PC-PTI)
इशान किशनने माजी विकेटकीपर फलंदाज दिनेश कार्तिक याचा विक्रम मोडीत काढला आहे. त्याने 16 वर्षापूर्वी वेस्ट झोनविरुद्ध एका सामन्यात 333 धावा केल्या होत्या. आता हा विक्रम इशान किशनच्या नावावर आहे. (PC-PTI)
इशान किशन व्यतिरिक्त रमण लांबाने दुलीप ट्रॉफी स्पर्धेच्या एका सामन्यात 320, युसूफ पठाणने 318 आणि केएल राहुलने 315 धावा केल्या. (PC-PTI)
दुलीप ट्रॉफीचा अंतिम सामना ड्रॉ झाला. पण या सामन्यातील पहिल्या डावात ईस्ट झोनने आघाडी घेतली होती. त्यामुळे जेतेपद ईस्ट झोनला मिळालं. सय्यद मुश्ताक अली ट्रॉफी, टी20 वर्ल्डकपनंतर इशानने दुलीप ट्रॉफीतही विजय मिळवला. तिन्ही स्पर्धेच्या अंतिम फेरीत त्याने योगदान दिलं. (PC-PTI)
