इशान किशन

टीम इंडियाचा विकेटकीपर बॅट्समन इशान किशन याने 2021 साली इंग्लंड विरुद्ध पदार्पण केलं होतं. इशान तेव्हापासून टीम इंडियासाठी खेळत आहे. इशानने टीम इंडियासाठी वनडे क्रिकेटमध्ये द्विशतक करण्याची कामगिरी केली आहे. इशान 2023 च्या एकदिवसीय वर्ल्ड कप उपविजेत्या संघाचा भाग राहिला. तसेच इशानने 2016 साली अंडर 19 वर्ल्ड कप स्पर्धेत टीम इंडियाचं नेतृत्व केलंय. इशान देशांतर्गत क्रिकेटमध्ये झारखंडसाठी खेळतो. तसेच इशानने आयपीएल या जगातील सर्वात लोकप्रिय टी 20 स्पर्धेतही चमकदार कामगिरी केली आहे. इशान आयपीएल 2020 विजेत्या मुंबई इंडियन्स या संघाचा भाग होता. मुंबईने इशानला करारमुक्त केल्यानंतर तो सनरायजर्स हैदराबादचं प्रतिनिधित्व करतो. तसेच इशानची आगामी टी 20I वर्ल्ड कप 2026 स्पर्धेसाठीही भारतीय संघात निवड करण्यात आली आहे.