Ishan Kishan आरबीआयमध्ये कोणत्या पदावर काम करतो? महिन्याकाठी मिळतो इतका पगार
इशान किशन सध्या फॉर्मात असून भारतीय संघात त्याने पुन्हा एकदा आपली जागा पक्की केली आहे. दुसरीकडे, इशानचा काही फोटो सोशल मीडियावर व्हायरल होत आहेत. पटणातील आरबीआय कार्यालयातील हे फोटो आहेत. त्यामुळे इशान आरबीआयमध्ये काय काम करतो? त्याला नोकरी कशी मिळाली? किती पगार? हे प्रश्न अनेकांना पडले आहेत.
भारतीय संघ कसोटी मालिकेसाठी श्रीलंका दौऱ्यावर गेला आहे. पण इशान किशन या संघाचा भाग नसल्याने संघासोबत नाही. इतकंच काय तर देशांतर्गत स्पर्धाही नसल्याने इशान किशन सध्या मोकळा आहे. पण इशान किशनने आराम करण्याऐवजी आरबीआय कार्यालयात जाणं पसंत केलं. इशान या ठिकाणी कर्मचारी आहे. (Photo: PTI/X)
आरबीआयचं आयकार्ड घालून इशान किशन पटणाच्या कार्यालयात गेला होता. इशान किशन तिथे गेल्यानंतर तिथल्या कर्मचाऱ्यांना भेटला. पण त्याच्यासोबत फोटो काढण्याचा मोह कर्मचाऱ्यांना आवरला नाही. इशानने त्याला नाराज केलं नाही. आता आरबीआय कार्यालयातील फोटो सोशल मीडियावर व्हायरल होत आहेत. (Photo: PTI/X)
इशान किशन आरबीआय कार्यालयात कोणत्या पदावर काम करतो? त्याला नोकरी कशी काय मिळाली? असे प्रश्न अनेकांना पडले आहेत. तर इशान किशन रिझर्व्ह बँक ऑफ इंडियामध्ये असिस्टंट मॅनेजर पदावर काम करत आहे. ग्रेड ए कर्मचारी आहे. त्याला ही नोकरी क्रीडा कोट्यातून मिळाली आहे. (Photo: PTI/X)
रिझर्व्ह बँक ऑफ इंडियामध्ये असिस्टंट मॅनेजर असलेल्या इशान किशनला किती पगार मिळतो? हा प्रश्नही अनेकांना पडला आहे. तर आरबीआयच्या पटणा शाखेत काम करणाऱ्या इशान किशनला असिस्टंट मॅनेजर पदासाठी महिन्याकाठी 1 लाख ते 1.4 लाख पगार असू शकतो. (Photo: PTI/X)
इशान किशन सध्या मोकळा असला तरी त्याने आरबीआयमध्ये नोकरीच्या ठिकाणी हजेरी लावून वेळ सत्कारणी लावला. आता 23 ऑगस्टपासून सुरू होणाऱ्या दुलीप ट्रॉफी स्पर्धेत खेळणार आहे. या स्पर्धेत ईस्ट झोनचा कर्णधार आहे. (Photo: PTI/X)
