AUS vs NED : नेदरलँडच्या बास डी लीडेच्या नावावर नकोसा विक्रम, पंगतीत पहिल्या स्थानी
AUS vs NED : वनडे वर्ल्डकप स्पर्धेत ऑस्ट्रेलियाने नेदरलँडचा धुव्वा उडवला. ऑस्ट्रेलियाने 309 धावांनी विजय मिळवला. नेदरलँडच्या गोलंदाजांची अक्षरश: धुलाई केली. बास डी लीडेच्या नावावर नकोसा विक्रम नोंदवला गेला आहे.
वनडे वर्ल्डकप स्पर्धेतील 24 वा सामना नेदरलँड आणि ऑस्ट्रेलिया यांच्यात झाला. ऑस्ट्रेलियाने नेदरलँडसमोर विजयासाठी 400 धावांचं आव्हान ठेवलं होतं. पण नेदरलँडचा संपूर्ण संघ 90 धावांवर ऑलआउट झाला.
ऑस्ट्रेलियाने डेथ ओव्हरमध्ये नेदरलँडच्या गोलंदाजांची पिसं काढली. ग्लेन मॅक्सवेलने 40 चेंडूत शतक ठोकलं. नेदरलँडच्या गोलंदाजांची काय अवस्था केली, ते यावरूनच स्पष्ट होतं.
नेदरलँडचा अष्टपैलू खेळाडू बास डी लीडे याच्या नावावर नकोसा विक्रम प्रस्थापित झाला आहे. या सामन्यात त्याने सर्वात महागडा स्पेल टाकला. वनडे क्रिकेट इतिहासातील सर्वात वाईट विक्रम आहे.
बास डी लीडे याने 10 षटकात 115 धावा दिल्या. तसेच ऑस्ट्रेलियाच्या एडम झाम्पा आणि मिक लुईसच्या नावावर असलेला नकोसा विक्रम मागे टाकला. (Photo : AP)
ऑस्ट्रेलियाच्या मिक लुईस याने 2006 साली आमि एडम झाम्पा याने 2023 मध्ये दक्षिण आफ्रिकाविरुद्ध 10 षटकात 113 धावा दिल्या होत्या. आता हा विक्रम मोडीत निघाला आहे.
नेदरलँडचं स्पर्धेतील आव्हान जवळपास संपुष्टात आलं आहे. कारण आता सर्वच्या सर्व सामने जिंकले तरी नेट रनरेट वाढवणं खूपच कठीण आहे. त्यामुळे उर्वरित चार सामने फक्त औपचारिकता असेल. (Photo : ANI)
