असावा एखादा छंद, ट्रेनची हुबेहुब मॉडेल्स बनवण्याचा, डोंबिवलीच्या तरुणाची कमाल..
रेल्वे ही भारताची शान म्हटली जाते. रेल्वेने एका अवाढव्य देशाला एका सूत्रात बांधले आहे. अशा रेल्वेवर प्रेम करणारे अनेक कलाकार मंडळी देखील आहेत. त्यात डोंबिवलीच्या सुभाष राव यांचे नाव पुढे आहे.
कोणाला स्टँम्प जमा करण्याचा तर कोणाला विविध प्रकारची नाणी जमविण्याचा छंद असतो.या धावपळीच्या आणि दगदगीच्या जीवनात आपली नोकरी आणि पेशा सांभाळून खरे तर छंद सांभाळणे तसे अवघडच काम.
कोणतीही नविन ट्रेन दाखल होताच सुभाष राव त्याचे परफेक्ट मिनीएचर मॉडेल्स तयार करतो. त्याने निळ्या आणि पांढऱ्या वंदेभारतनंतर भगव्या ( केशरी ) रंगाच्या वंदेभारत स्लिपरचे देखील मॉडेल तयार केले आहे.
डोंबिवलीचा सुभाष राव याला लहानपणापासून रेल्वे प्रवासाची आवड आहे. तो रहात असलेल्या डोंबिवलीत त्याने बालपणापासून रेल्वेला जवळून पाहीले आहे. एल. के. रहेजा स्कूल ऑफ आर्ट्समधून शिक्षण पूर्ण झाल्यावर एका प्रसिद्ध एडर्व्हाटायझिंग कंपनीत तो सध्या कामाला आहे.
रेल्वेची विविध इंजिन आणि स्केल मॉडेल्स तयार करण्याच्या छंदाला त्याने जोपासला आहे, त्याने त्यात अनेक प्रकारचे प्रयोग करीत वैविध्य आणले आहे.
सुभाषने रेल्वे इंजिन आणि कोचचे फोटो काढून त्याआधारे एल्युमिनियम धातूपासून ते कागदी रेल्वेची मॉडेल्स तयार करायला सुरुवात केली.नंतर त्याने त्या कामात अधिक परफेक्शन आणत आज त्याचा प्रवास स्केल मॉडेल्सपर्यंत आला आहे.
