Tongue Burn Remedies : गरमा-गरम चहामुळे भाजली जीभ ? या सोप्या टिप्समुळे मिळेल आराम
एखादा आवडता पदार्थ गरम असताना खाणं किंवा गरम चहा पिणं, बऱ्याच लोकांना आवडतं. पण अशावेळी अनावधानाने जीभ भाजू शकते, जीभेला चटका बसू शकतो. अशावेळी काय करावं ?
- चहा किंवा कॉफी किंवा एखादं गरम पेय पिताना अनेकदा नकळत आपली जीभ भाजते, चटका बसू शकतो. आपल्या शरीरावर एखाद्या भगाला चटका बसला तेव्हा आपण लगेच त्यावर गार पाणी ओततो, किंवा कोरफड अथवा बर्फ लावतो. पण जीभ भाजली किंवा चटका बसला तर काय करायचं हे फार कमी लोकांना माहिती असते. भाजलेलया जीभेमुळे केवळ जळजळ होत नाही तर नंतर काहीही खाणे किंवा काही पिणंही कर्मकठीण होतं.
- बऱ्याचदा, जास्त गरम चहा, कॉफी किंवा मसालेदार किंवा आंबट पदार्थांमुळे जिभेवर लालसरपणा, सूज आणि अगदी लहान फोड येऊ शकतात. अशा परिस्थितीत, काही घरगुती उपचार खूप प्रभावी ठरतात. चांगली गोष्ट म्हणजे या उपायांमध्ये वापरल्या जाणाऱ्या वस्तू घरी सहज उपलब्ध असतात.
- जर चहा किंवा कॉफी पिताना तुमची जीभ भाजली असेल तर जीभेवर पटकन थोडी साखर लावा. साखर हळूहळू विरघळते आणि जळजळ कमी होते. हा एक सोपा आणि तात्काळ रिलीफ देणारा उपाय आहे, आणि साखर तर प्रत्येक घरात उपलब्ध असतेच.
- जिभेला जळजळ झाली किंवा फोड आला तर त्यावर कात लावणे खूप फायदेशीर मानले जाते. थोडी कात पाण्यात भिजवा, त्याची पेस्ट बनवा आणि जिभेवर लावा. यामुळे थंडावा मिळतो आणि लालसरपणा, सूज आणि फोड कमी होण्यास मदत होते.
- जर गरम पेयांमुळे तुमची जीभ जळत असेल तर ताबडतोब थंड वाटणं महत्वाचे आहे. मात्र अशा वेळी जिभेवर थेट बर्फ लावणे टाळावे. त्याऐवजी, तोंडात थोडा वेळ थंड पाणी ठेवा मग चूळ भरा. असं दोन ते तीन वेळा केल्याने जळजळ कमी होते.
- जीभेला जळजळ झाल्यास त्यावर शुद्ध मध लावणे हा देखील एक प्रभावी उपाय आहे. दिवसातून दोन ते तीन वेळा मधाचा बोट, जळालेल्या भागावर लावा. मधात बॅक्टेरियाच्या वाढीस प्रतिबंध करणारा पदार्थ गुणधर्म असतो, जो जखमा बरे करण्यास आणि जळजळ कमी करण्यास मदत करतो.
- ग्लिसरीन हे त्वचा आणि तोंडाच्या अल्सरसाठी उपयुक्त मानले जाते. जीभ भाजली असेल तर ग्लिसरीन लावल्याने काही वेळातच आराम मिळतो. दिवसातून तीन ते चार वेळा वापरल्याने जळजळ आणि अस्वस्थता कमी होते. ( डिस्क्लेमर : या आर्टिकलमध्ये देण्यात आलेली माहिती व उपाय हे उपलब्ध स्रोतावरून देण्यात आलेले आहेत. याच्या तथ्यांबद्दल आम्ही कुठलाही दावा करीत नाही. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
