प्रसिद्ध अभिनेत्यावर कोसळला दु:खाचा डोंगर, वडिलांचं दु:खद निधन
प्रसिद्ध अभिनेत्यावर आभाळ कोसळलं आहे. या अभिनेत्याच्या वडिलांचे निधन झाले आहे. सोशल मीडियावर पोस्टच्या माध्यमातून या अभिनेत्याने याबाबत माहिती दिली आहे.
Mahendra Bohra Died : एकीकडे देशात होळी, धुळवड या सणांचा उत्साह सुरू आहे. देशभरात रंगांची उधळण केली जात आहे. अनेक सेलिब्रिटी मोठ्या उत्साहात रंग खेळत आहेत. बऱ्याच सेलिब्रिटींनी धुळवडीचे अनके फोटो सोशल मीडियावर शेअर केले आहेत. एकीकडे हा उत्सव सुरू असतानाच दुसरीकडे छोट्या पडद्यावर काम करणाऱ्या करणवीर या अभिनेत्यावर आभाळ कोसळले आहे. या अभिनत्याचे वडील महेंद्र बोहरा यांचे निधन झाले आहे. बोहरा हे प्रसिद्ध निर्माते होते. करणवीर याने सोशल मीडियावर पोस्ट करून बोहरा यांच्या निधनाची माहिती दिली आहे.
सोशल मीडियावर व्यक्त केल्या भावना
या पोस्टमध्ये करणवीर याने आपल्या वडिलांच्या निधनाची माहिती दिली. तसेच सोशल मीडियाच्या पोस्टद्वारे त्याने आपल्या भावनांना वाट करून दिली आहे. त्याने आपल्या वडिलांसोबतचा एक फोटो शेअर केला आहे. माझ्या आयुष्यात माझ्या वडिलांचे एक वेगळे स्थान होते. आयुष्याच्या प्रत्येक टप्प्यावर माझ्या वडिलांनी मला साथ दिली. हिमतीने आयुष्य जगण्याचा धडा त्यांनी मला दिला, अशा भावना करणवीर याने व्यक्त केल्या आहेत.
तुम्हाला जसा जगाचा निरोप घ्यायचा होता…
तसेच पप्पा मी तुमच्यावर खूप प्रेम करतो. तुमची मकतरता मला कायम भासेल, असेही करणवीर म्हणाला आहे. ज्या लोकांचे आई-वडील या जगात नाहीत, त्यांनाच हे दु:ख समजू शकते. पण पप्पा तुम्ही तुमचं आयुष्य खूप चांगल्या पद्धतीने जगले, याचे मला समाधान आहे. तुम्हाला ज्या पद्धतीने या जगाचा निरोप घ्यायचा होता, त्याच पद्धतीने तुम्ही गेले. कोणालाही त्रास दिला नाही, असेही करणवीरने आपल्या पोस्टमध्ये म्हटले आहे.
View this post on Instagram
तुम्ही आम्हाला खूप काही शिकवलं
वडिलांनी नेमके काय काय संस्कार दिले, याबाबतही त्याने सविस्तर सांगितले आहे. तुम्ही मला तसेच दीदीला खूप काही शिकवलं. जगात कितीही संकट आले तरीही धीर सोडायचा नाही. उर्जा, सकारत्मकता घेऊन पुढे जायचं. अपयश आलं तरीही पुन्हा लढायचं, हे सगळं आम्ही तुमच्याकडून शिकलो, असे करणवीरने आपल्या पोस्टमध्ये म्हटले आहे.
