व्हाईट, पिंक, गोल्ड कॉलर जॉब म्हणजे काय रे भाऊ? तुम्ही नेमकी कोणती नोकरी करता? जाणून घ्या!
Job Term : तुमच्या पैकी अनेकजण वेगवेगळ्या प्रकारची नोकरी करत असेल. मात्र तुम्हाला पिंक, गोल्ड, व्हाईट आणि ग्रे कॉलर जॉब म्हणजे काय? हे माहिती आहे का? याबाबत सविस्तर माहिती जाणून घेऊयात.
व्हाईट कॉलर जॉब : हे सामान्यतः उच्च पगार असलेले व्यावसायिक किंवा प्रशासकीय नोकरी करणारे लोक असतात. जे कष्टाचे काम करण्याऐवजी ऑफिसमध्ये बसून मॅनेजमेंट, तंत्रज्ञान किंवा प्रशासनाशी संबंधित कामे करतात.
ब्लू कॉलर जॉब : ज्या नोकऱ्यांमध्ये शारीरिक कष्टाची जास्त गरज असते, त्यांना ब्लू कॉलर जॉब म्हटले जाते. यामध्ये प्रामुख्याने कारखान्यातील कामगार, बांधकाम क्षेत्रातील मजूर आणि इतर कुशल किंवा अकुशल श्रमिकांचा समावेश होतो.
पिंक कॉलर जॉब : हा शब्द प्रामुख्याने सेवा क्षेत्रातील अशा नोकऱ्यांसाठी वापरला जातो ज्या एकेकाळी महिलांसाठी राखीव मानल्या जात होत्या. उदा. नर्स, शिक्षिका, रिसेप्शनिस्ट किंवा बेबीसिटर.
गोल्ड कॉलर जॉब : हे अत्यंत उच्च श्रेणीतील नोकरीचे पद आहे. यामध्ये चार्टर्ड अकाउंटंट, डॉक्टर, वकील किंवा अशा तज्ज्ञांचा समावेश होतो, जे आपल्या कौशल्याने कंपनी किंवा समाजासाठी अत्यंत मूल्यवान ठरतात.
ग्रे कॉलर जॉब : या श्रेणीमध्ये अशा नोकऱ्या येतात ज्यांना पूर्णपणे 'व्हाईट' किंवा 'ब्लू' कॉलरमध्ये विभागता येत नाही. उदाहरणार्थ, आयटी प्रोफेशनल, तंत्रज्ञ किंवा विमानचालक (पायलट), ज्यांना शारीरिक मेहनतीसोबतच तांत्रिक ज्ञानाचीही गरज असते.
