आदेश बांदेकरांची होणारी सून आहे तरी कोण? लोकप्रिय मालिकेत साकारतेय भूमिका
अवघ्या महाराष्ट्राचे लाडके भावोजी अर्थात अभिनेते आदेश बांदेकर यांच्या घरात लवकरच सनई-चौघडे वाजणार असल्याची चर्चा आहे. आदेश आणि सुचित्रा बांदेकर यांचा मुलगा सोहम बांदेकर लग्नबंधनात अडकणार असल्याचं कळतंय. बांदेकरांची होणारी सून कोण आहे, ते पहा..
आदेश आणि सुचित्रा बांदेकर यांचा लेक सोहम बांदेकर लवकरच लग्नबंधनात अडकणार असल्याच्या चर्चांना उधाण आलं आहे. सोहमने आईवडिलांच्या पावलांवर पाऊल टाकत अभिनय आणि निर्मिती क्षेत्रात पदार्पण केलंय.
मराठी मालिकाविश्वातील एका प्रसिद्ध अभिनेत्रीशी तो लग्नगाठ बांधणार असल्याची चर्चा आहे. ही अभिनेत्री आहे तरी कोण, हे जाणून घेण्याची चाहत्यांमध्ये प्रचंड उत्सुकता आहे. तर या अभिनेत्रीचं नाव आहे पूजा बिरारी.
पूजा बिरारी सध्या 'येड लागलं प्रेमाचं' या मालिकेत मंजिरीची भूमिका साकारतेय. त्याआधी तिने 'साजणा' आणि 'स्वाभिमान- शोध अस्तित्वाचा' यांसारख्या मालिकांमध्ये काम केलं होतं. सोशल मीडियावर तिचा मोठा चाहतावर्ग आहे.
इन्स्टाग्रामवर तिचे दोन लाखांहून अधिक फॉलोअर्स असून चाहत्यांसोबत ती सतत विविध फोटो आणि व्हिडीओ शेअर करत असते. पूजा अभिनेत्री आणि मॉडेलसुद्धा आहे. तिच्या मॉडेलिंगचेही फोटो सोशल मीडियावर पहायला मिळतात.
पूजाला नृत्याचीही खूप आवड आहे. तर दुसरीकडे सोहम हा मालिकांच्या निर्मिती क्षेत्रात आपली वेगळी निर्माण करतोय. 'ठरलं तर मग', 'घरोघरी मातीच्या चुली' यांसारख्या लोकप्रिय मालिकांच्या निर्मितीची जबाबदारी तो सांभाळतोय.
