Railway AC Coach : रेल्वेच्या एसी कोचमध्ये दोन बेडशीट का दिले जातात? नेमकं लॉजिक काय?
एसी डब्यातील सुविधा तर खूपच चांगल्या असतात. रात्रीचा प्रवास असेल तर एसी स्लिपर कोचमध्ये बेडशीट, अंगावर घेण्यासाठी ब्लँकेटही दिले जाते. रात्री झोपून प्रवास सुखकर व्हावा हा यामागचा उद्देश आहे.
रेल्वेतून प्रवास करणाऱ्यांची संख्या कोटीमध्ये आहे. रोज लाखो लोक देशभरात रेल्वेने आपल्या नियोजित ठिकाणी जात असतात. रेल्वेतून प्रवास करताना काही सुविधा दिल्या जातात.
एसी डब्यातील सुविधा तर खूपच चांगल्या असतात. रात्रीचा प्रवास असेल तर एसी स्लिपर कोचमध्ये बेडशीट, अंगावर घेण्यासाठी ब्लँकेटही दिले जाते. रात्री झोपून प्रवास सुखकर व्हावा हा यामागचा उद्देश आहे.
First AC, Second AC, Third AC आणि AC Economy मधून प्रवास करणाऱ्या प्रवाशांना तिकिटाच्या भाड्यातच बेडरोल किट मिळते. या किटमध्ये दोन बेडशीट, उशीचे कव्हर, हँड टॉवेल आणि ब्लँकेटचा समावेश असतो.
रेल्वेच्या नियमानुसार पहिले बेडशीट हे तुमच्या बर्थवर म्हणजेच तुमच्या सिटवर अंथरायचे असते. यामुळे प्रवाशाला झोपण्यासाठी किंवा बसण्यासाठी स्वच्छ आणि सुरक्षित जागा उपलब्ध होते. त्यानंतर दुसरे बेडशीट ब्लँकेटला जोडण्यासाठी असते. यामुळे ब्लँकेटचा थेट शरीराशी संपर्क टाळता येतो.
याबाबत खुद्द रेल्वेमंत्री अश्विनी वैष्णव यांनीच एकदा राज्यसभेत सांगितले होते. ब्लँकेटखाली वापरण्यात येणारे कव्हर शीट प्रत्येक वापरानंतर धुतले जाते, असे त्यांनी सांगितले होते.
