प्रणित मोरे याच्या सोसायटीत महिलांचे आंदोलन, दिली बिर्याणी आणि ३७० रुपयांची भेट….
स्टँडअप कॉमेडियन प्रणित मोरे याच्या शोवरुन सध्या देशभरात संताप व्यक्त होत आहे. त्याच्या शोमध्ये महिलांबाबत झालेल्या आक्षेपार्ह विधानामुळे देशात संतापाची लाट पसरली आहे. या शोच्या विरोधात महिला संघटनांनी प्रणित मोरेच्या इमारतीत घोषणा बाजी केली.
स्टँडअप कॉमेडियन प्रणित मोरे याच्या शोमधील महिलांच्याविरोधातील अश्लिल शेरेबाजीमुळे डार्क कॉमेडिच्या नावावर महिलांचा अपमान केल्याने आता खारघर येथील महिलांनी प्रणित मोरेचे घर गाठत तेथे आंदोलन केले.
या महिलांनी मोबाईल फोनवरुन त्याच्या घरी कॉल केला. त्यावेळी प्रणित मोरे हा घरी नसल्याचे त्याच्या भावाने सांगितले. या प्रकरणात आपल्या भावाने असे वक्तव्य केले नाही असा बचाव फोनवरील व्यक्तीने केला.
यावेळी संतप्त महिलांना जरी प्रणित मोरे याने असे वक्तव्य केले नसले तरी तो या शोचा आयोजन असून तिकीट लावून पैसा कमावत असल्याने तो या जबाबदारीतून सुट शकत नाही असे महिलांनी सुनावले.
यावेळी नारी शक्तीने प्रणित मोरे याच्या इमारतीसमोर घोषणाबाजी केली. यावेळी प्रणित मोरे याचा शो काही लाईव्ह शो नव्हता. त्याला हे संभाषण एडिटींग करुन पोस्ट करता आले असते. मात्र, त्याने तसेच केले नाही. त्यामुळे सेजल पवार आणि हिमांशु जांगडा यांनी केलेले वक्तव्य डिलिट करता आली असती असा आरोप महिलांना केला आहे.
महिलांचा सन्मान राखणे ही प्रत्येक कलाकाराची जबाबदारी असून विनोदाच्या नावाखाली कोणत्याही समाजघटकाची किंवा महिलांची अवहेलना स्वीकारली जाणार नाही, असे आंदोलनकर्त्या महिलांनी यावेळी सांगितले.
