मुंबई महापालिका कुणाची?, जेपी नड्डा येण्याआधीच भाजप-शिवसेनेत रंगलं वाकयुद्ध
आगामी महापालिका निवडणुकीच्या पार्श्वभूमीवर भाजपचे राष्ट्रीय अध्यक्ष जेपी नड्डा हे मुंबईच्या तीन दिवसाच्या दौऱ्यावर येत आहेत. (bjp leader atul bhatkhalkar slams shivsena over bmc elections)
मुंबई: आगामी महापालिका निवडणुकीच्या पार्श्वभूमीवर भाजपचे राष्ट्रीय अध्यक्ष जेपी नड्डा हे मुंबईच्या तीन दिवसाच्या दौऱ्यावर येत आहेत. त्यापूर्वीच मुंबई महापालिका कुणाची? या मुद्द्यावरून भाजप आणि शिवसेनेत वाकयुद्ध रंगले आहे. त्यामुळे आतापासूनच मुंबईतील राजकारण तापू लागल्याचं चित्रं निर्माण झालं आहे. (bjp leader atul bhatkhalkar slams shivsena over bmc elections)
भाजपचे अध्यक्ष जे. पी. नड्डा मुंबईत आल्यावर भाजपचे कार्यकर्ते आणि पदाधिकाऱ्यांशी संवाद साधणार आहे. यावेळी मुंबई महापालिका निवडणुकीच्या अनुषंगाने चर्चा होईल, असं भाजपचे नेते, आमदार अतुल भातखळकर यांनी सांगितलं. हैदराबादच्या निकालाची मुंबईतही त्याची पुनरावृत्ती होईल. तिन्ही पक्ष मुंबई महापालिका निवडणुकीत एकत्र आले तरी महापालिकेवर भाजपचाच भगवा फडकेल, असा दावा भातखळकर यांनी केला आहे.
त्यांच्या आंदोलनाने कोरोना वाढणार नाही का?
पेट्रोल आणि डिझेलचे दर हे सरकारने लावलेल्या जिझिया करामुळे वाढले आहेत. तरीही विरोधकांकडून त्यावर आंदोलन केलं जात आहे. आंदोलने केल्याने कोरोना वाढेल म्हणून मुख्यमंत्री उद्धव ठाकरे यांनी पंतप्रधानांकडे तक्रार केली होती. आता तुमच्या आंदोलनामुळे कोरोना वाढणार नाही का?, असा सवालही त्यांनी केला आहे.
महापालिकेवर शिवसेनेचाच भगवा फडकणार
दरम्यान, महापौर किशोरी पेडणेकर यांनी भाजपला जोरदार प्रत्युत्तर दिलं आहे. महापालिका निवडणुकीसाठी अजून बारा महिने बाकी आहेत. त्यासाठी भाजपने दिग्गज नेते मैदानात उतरवण्याचा प्रयत्न केला आहे. पण मुंबईनेही शिवसेनेलाच निवडून देण्याचा निश्चय केला आहे. विधानपरिषदेच्या पदवीधर आणि शिक्षक मतदारसंघाच्या निवडणुकीत महाविकास आघाडीला भरघोस मतदान करण्यात आलं. त्यामुळे यावेळीही महाविकास आघाडीलाही मतदान होईल आणि पालिकेवर शिवसेनेचाच भगवा फडकेल, असा दावा किशोरी पेडणेकर यांनी केला आहे.
नड्डा 18 डिसेंबरला मुंबईत
भाजपचे राष्ट्रीय अध्यक्ष जेपी नड्डा 18, 19 आणि 20 डिसेंबर रोजी मुंबईत येणार आहेत. नड्डा तीन दिवस मुंबईतच तळ ठोकणार आहेत. यावेळी ते महाराष्ट्रासह मुंबईतील भाजपच्या संघटनात्मक स्थितीचा आढावा घेणार आहेत. तसेच मुंबई महापालिकेच्या निवडणुकीच्या अनुषंगाने मॅरेथॉन बैठका घेऊन अनेक सूचना करणार असल्याचं सूत्रांनी सांगितलं. यावेळी ते मुंबईतील भाजपचे सर्व नगरसेवक, आमदार आणि खासदारांशीही संवाद साधणार असल्याचं सूत्रांनी सांगितलं. तसेच भाजपच्या मुंबई कार्यकारिणीने निवडणुकीची काय तयारी केली आहे याचाही आढावा ते घेणार आहेत. (bjp leader atul bhatkhalkar slams shivsena over bmc elections)
महापालिकेतील पक्षीय बलाबल
शिवसेना ९४
भाजप ८२
काँग्रेस २९
राष्ट्रवादी ८
समाजवादी पक्ष ६
मनसे १ (bjp leader atul bhatkhalkar slams shivsena over bmc elections)
MahaFast News 100 | महाफास्ट न्यूज 100 | 12 PM | 9 December 2020https://t.co/CPEIwKCbGx #Maharashtra #mahafast
— TV9 Marathi (@TV9Marathi) December 9, 2020
संबंधित बातम्या:
आगामी मुंबई महापालिका निवडणुकीसाठी भाजपकडून आमदार अतुल भातखळकरांची प्रभारीपदी नियुक्ती
मुंबई महापालिकेची रुग्णालये दुर्लक्षित, डायबिटीजचे दररोज 26 बळी, प्रजा फाऊंडेशनचा अहवाल
(bjp leader atul bhatkhalkar slams shivsena over bmc elections)
