‘सत्तेसाठी भाजप कुठल्याही थराला जाईल, ईडी, सीबीआयला याच कामासाठी ठेवलं’, हसन मुश्रीफांचा घणाघात
राष्ट्रवादी काँग्रेसचे नेते हसन मुश्रीफ यांनी भाजप नेते आणि केंद्र सरकारवर जोरदार निशाणा साधलाय. राज्यात सत्ता मिळवण्यासाठी त्यांनी कुठल्याही टोकाला जायचं ठरवलं आहे. ईडी आणि सीबीआय यांना याच कामासाठी ठेवलं आहे, असा घणाघात मुश्रीफ यांनी केलाय
अहमदनगर : महाविकास आघाडी सरकारमधील काही मंत्र्यांवर ईडी आणि सीबीआयकडून चौकशीचा ससेमिरा सुरु असल्याचं पाहायला मिळत आहे. यावरुन ग्रामविकास मंत्री आणि राष्ट्रवादी काँग्रेसचे नेते हसन मुश्रीफ यांनी भाजप नेते आणि केंद्र सरकारवर जोरदार निशाणा साधलाय. राज्यात सत्ता मिळवण्यासाठी त्यांनी कुठल्याही टोकाला जायचं ठरवलं आहे. ईडी आणि सीबीआय यांना याच कामासाठी ठेवलं आहे, असा घणाघात मुश्रीफ यांनी केलाय. (Criticism of Hasan Mushrif on Central Government)
कुणाला कुठेही ते अडकवतील, कुणाच्याही मागे लागतील, त्यांनी सर्व निती नियम गुंडाळून डोक्याला बांधले आहेत. सातत्याने सरकार अस्थिर करण्याचा प्रयत्न सुरु आहे. मात्र, हे सरकार 100 टक्के पाच वर्षे टिकेल कुणी काहीही करु शकत नाही, असा विश्वासही मुश्रीफ यांनी व्यक्त केलाय. दुसरीकडे ओबीसी आरक्षण मिळवण्यासाठी इम्पेरिकल डाटा महत्वाचा आहे. मात्र कोरोना काळात जनगणना करणं शक्य नाही. 2011 चा डेटा केंद्राकडे उपलब्ध आहे. त्यामुळे तो डेटा केंद्रानं दिला तर तत्काळ आरक्षण मिळेल, असंही मुश्रीफ म्हणाले.
‘कोर्ट हस्तक्षेप करणार नाही’
पावसाळी अधिवेशनाच्या पहिल्याच दिवशी विधानसभेत झालेल्या जोरदार राड्यानंतर भाजपच्या 12 आमदारांचं निलंबन करण्यात आलं आहे. यावरुन आता भाजप नेत्यांनी न्यायालयात दाद मागण्याची तयारी सुरु केलीय. याबाबत विचारलं असता, भाजपचे निलंबित आमदार न्यायालयात गेले तरी हा विधिमंडळाचा अधिकार आहे. हा विधिमंडळाच्या आवारात घडलेला प्रकार आहे त्यामुळे कोर्ट हस्तक्षेप करत नाही, असा दावाही मुश्रीफ यांनी केलाय.
मुश्रीफ यांचा पडळकरांना दम
भाजपचे आमदार गोपीचंद पडळकर यांनी राष्ट्रवादी काँग्रेसचे अध्यक्ष शरद पवार यांच्यावर जोरदार टीका सुरुच ठेवली आहे. त्यावर गोपीचंद पडळकरांना अशा ठेवणीतील शिव्या देऊ की त्यांना रात्रभर झोप येणार नाही, असा इशाराही यावेळी मुश्रीफ यांनी दिला होता. पडळकर यांनी राष्ट्रवादी काँग्रेसचे अध्यक्ष शरद पवार यांच्यावर केलेल्या टीकेला उत्तर देण्यासाठी कोल्हापूरमध्ये पत्रकार परिषद आयोजित केली होती. यावेळी त्यांनी यामागे बोलावते धनी विरोधी पक्षनेते देवेंद्र फडणवीस आणि चंद्रकांत पाटील असल्याचाही आरोप केला होता.
हसन मुश्रीफ म्हणाले, “मी यांना या निमित्ताने इतकंच सांगेल की शिव्यांची मालिका आता सुरु झाली आहे. आता आम्ही अशा ठेवणीतील शिव्या देऊ की यांना रात्रभर झोपा येणार नाही. यांना रात्री जागून काढाव्या लागतील. अशा प्रकारची पद्धत या राज्यात सुरु झाली आहे. कायदा सुव्यवस्था देखील यामुळे अडचणीत येण्याची शक्यता आहे. याला सर्वस्वी जबाबदार देवेंद्र फडणवीस आणि चंद्रकांत पाटील असतील.”
कोण मंत्री होणार यापेक्षा कोण घरी गेलं याचीच चर्चा जास्त; 12 मंत्र्यांना हटवलं https://t.co/xsDIAUujg5#PMNarendraModi | #NarayanRane | #kapilpatil | #BJP | #ModiCabinetExpansion | #ModiCabinet | #Maharashtra
— TV9 Marathi (@TV9Marathi) July 7, 2021
संबंधित बातम्या :
एकनाथ खडसेंना आता जी काय CD लावायचेय ती लावू द्या; अतुल भातखळकरांचं खुलं आव्हान
Criticism of Hasan Mushrif on Central Government
