शिंदे गटाचा डोंबिवलीतील मध्यवर्ती शाखेवर ताबा; शिंदे, ठाकरे समर्थकांमध्ये वाद, पोलीस घटनास्थळी दाखल

मुंबई : डोंबिवलीमध्ये (Dombivli) पुन्हा एकदा ठाकरे गट (Uddhav Thackeray) आणि शिंदे गट आमने-सामने आल्याचं पहायला मिळत आहे. डोंबिवलीत शाखेवरून शिंदे गट आणि ठाकरे गटात वाद निर्माण झाला आहे. शिंदे गटाच्या कार्यकर्त्यांकडून डोंबिवलीतील मध्यवर्ती शाखेचा ताबा घेण्यात आला आहे. शिंदे गटाने मध्यवर्ती शाखेचा ताबा घेतल्यानं ठाकरे गट देखील आक्रमक झाला आहे.  शाखेवरून ठाकरे गट आणि शिंदे गट आमने-सामने आल्यानं परिसरात तणावाची स्थिती निर्माण झाली आहे. घटनेची माहिती मिळताच पोलीस घटनास्थळी दाखल झाले आहेत.

महिला कार्यकर्त्यांना घेतलं ताब्यात

दरम्यान शिंदे गटाकडून या शाखेचे रजिस्ट्रेशन केल्याचा दावा करण्यात येत आहे.  तर दुसरीकडे ठाकरे गटातील महिला कार्यकर्त्या आक्रमक झाल्या असून, शाखेवर गोंधळ सुरू असल्याचं चित्र आहे.  सध्या पोलिसांनी या महिला कार्यकर्त्यांना ताब्यात घेतले आहे. महिला कार्यकर्त्यांना ताब्यात घेण्यात आल्यानंतरही मध्यवर्ती शाखा असलेल्या या परिसरात तणावाचे वातावरण असल्यानं खबरदारी म्हणून मोठ्या प्रमाणात पोलीस बंदोबस्त तैनात करण्यात आला आहे.

दोन्ही गटाकडून दावा

डोंबिवलीमध्ये असलेल्या या मध्यवर्ती शाखेवर दोन्ही गटाकडून दावा करण्यात आला आहे. या शाखेचे रजिस्ट्रेशन केल्याचा दावा शिंदे गटाकडून करण्यात येत आहे. तर दुसरीकडे ठाकरे गटाच्या महिला कार्यकर्त्या देखील आक्रमक झाल्या आहेत. परिसरात तणावाचे वातावरण असून, पोलिसांनी काही महिला कार्यकर्त्यांना ताब्यात घेतले आहे.