Eknath Shinde: शिवसेना नेमकी कुणाची? एकनाथ शिंदे म्हणतात, बाळासाहेब, दिघेसाहेब आमचं दैवत, उद्धव ठाकरेचं नावही घेतलं नाही?
Political Crisis MVA Crisis Updates : आपल्याकडे 40 पेक्षा जास्त आमदार असल्याचा दावा एकनाथ शिंदे यांनी केलाय. त्यामुळे आता शिवसेनेचंही धाबं दणाणलं आहे.
मुंबई : बाळासाहेब ठाकरे, आनंद दिघेसाहेब (Aanand Dighe) हे आमचं दैवत आहेत, असं एकनाथ शिंदे (Eknath Shinde) यांनी म्हटलं आहे. बंडखोर आमदारांना घेऊन आसाममध्ये (Shiv sena MLA in Asaam) पोहोचलेल्या एकनाथ शिंदे यांनी टीव्ही 9 मराठीशी संवाद साधला. फोनवरुन त्यांनी थेट आसाममधून टीव्ही 9 मराठीसोबत राजकीय घडामोडींच्या पार्श्वभूमीवर एक्स्क्लुझिव्ह बातचीत केली. त्यावेळी ते बोलत होते. दरम्यान, यावेळी त्यांनी आपल्यावर करण्यात आलेल्या कारवाईवरुन नाराजीही व्यक्त केली. मी कोणताही निर्णय घेतलेला नसताना, शिस्त मोडलेली नसतात, पक्षविरोधी काम केलेलं नसतात, चर्चा सुरु होती आणि तरिही मला गटनेते पदावरुन काढण्यात आलं, हे बरोबर नाही, असं त्यांनी म्हटलंय. आपल्या आणि आपल्यासोबत असलेल्या आमदारांच्या खदखदीबाबत आपण उद्धवसाहेबांना वेळोवेळी सांगितलं होतं, असंही ते म्हणाले.
शिवसेना नेमकी कुणाची?
शिवसेना नेमकी कुणाची यावरुन आता वाद पेटलाय. एकनाथ शिंदेंनी आपल्यासोबत असलेल्या आमदारांबाबत स्पष्ट मत नोंदवलं आहे. बाळासाहेब ठाकरे यांच्या हिंदुत्त्वाचा विचार पुढे घेऊन जाण्यासाठी आम्हाला सत्तेची लाचारी नको, असंही त्यांनी खडसावलंय. त्यामुळे महाविकास आघाडी सरकारमध्ये आम्हाला राहायचं नाही, असंही थेट एकनाथ शिंदे यांनी स्पष्ट केलंय. मात्र यावेळी त्यांनी शिवसेना सोडणार नाही! काल, आज आणि उद्याही आपण कट्टर शिवसैनिक म्हणूनच काम करत राहणार आहोत, अशी भूमिका एकनाथ शिंदे यांनी घेतली आहे.
40 पेक्षा जास्त आमदार असल्याचा दावा
आपल्याकडे 40 पेक्षा जास्त आमदार असल्याचा दावा एकनाथ शिंदे यांनी केलाय. त्यामुळे आता शिवसेनेचंही धाबं दणाणलं आहे. आसाममध्ये पोहोचल्यानंतर एकनाथ शिंदे यांनी आपल्यासोबत असलेल्या आमदाराचं संख्याबळ नेमकं किती आहे, हे माध्यमांशी बोलताना स्पष्ट केलं होतं. तर टीव्ही 9 मराठीसोबत बोलताना आपल्या 40+ आमदार माझ्यासोबत आहे, असंही शिंदे म्हणाले आहेत.
सत्तेचं गणित काय
असं आहे संख्या गणित
वाचा एकनाथ शिंदेच्या बंडखोरीमुळे ढवळून निघालेल्या महाराष्ट्राच्या राजकीय वर्तुळाचे लाईव्ह अपडेट्स : इथे क्लिक करा : Eknath Shinde News, Maharashtra Government LIVE : ‘उद्धवसाहेबांना कधीच धोका देणार नाही’, आणखी एका आमदाराची ऑडिओ क्लिप व्हायरल
2019मध्ये शिवसेनेचे कोणकोणते आमदार कुठून निवडून आले होते? वाचा
| एकूण 56 | शिवसेना आमदार | मतदारसंघ |
|---|---|---|
| 1 | एकनाथ शिंदे | कोपरी-पाचपाखाडी |
| 2 | गुलाबराव पाटील | जळगाव ग्रामीण |
| 3 | चिमणराव पाटील | एरंडोल |
| 4 | किशोर पाटील | पाचोरा |
| 5 | संजय गायकवाड | बुलडाणा |
| 6 | संजय रायमुलकर | मेहेकर |
| 7 | नितीनकुमार तळे | बाळापूर |
| 8 | संजय राठोड | दिग्रस |
| 9 | बालाजी कल्याणकर | नांदेड उत्तर |
| 10 | संतोष बांगर | कळमनुरी |
| 11 | राहुल पाटील | परभणी |
| 12 | अब्दुल सत्तार | सिल्लोड |
| 13 | प्रदीप जैसवाल | औरंगाबाद मध्य |
| 14 | संजय शिरसाठ | औरंगाबाद पश्चिम |
| 15 | संदीपान भुमरे | पैठण |
| 16 | रमेश बोरनारे | वैजापूर |
| 17 | सुहास कांदे | नांदगाव |
| 18 | दादा भुसे | मालेगाव बाह्य |
| 19 | श्रीनिवास वनगा | पालघर |
| 20 | शांताराम मोरे | भिवंडी ग्रामीण |
| 21 | विश्वनाथ भोईर | कल्याण पश्चिम |
| 22 | बालाजी किणीकर | अंबरनाथ |
| 23 | लताबाई सोनावणे | चोपडा |
| 24 | प्रकाश सुर्वे | मागाठणे |
| 25 | प्रताप सरनाईक | माजीवडा |
| 26 | सुनील राऊत | विक्रोळ |
| 27 | रमेश कोरगांवकर | भांडुप पश्चिम |
| 28 | रविंद्र वायकर | जोगेश्वरी पूर्व |
| 29 | सुनील प्रभू | दिंडोशी |
| 30 | दिवंगत रमेश लटके | अंधेरी पूर्व |
| 31 | दिलीप लांडे | चांदिवली |
| 32 | प्रकाश फातर्पेकर | चेंबुर |
| 33 | मंगेश कुडाळकर | कुर्ला |
| 34 | संजय पोतनीस | कलिना |
| 35 | सदा सरवणकर | माहिम |
| 36 | आदित्य ठाकरे | वरळी |
| 37 | अजय चौधरी | शिवडी |
| 38 | यामिनी जाधव | भायखळा |
| 39 | महेंद्र थोरवे | कर्जत |
| 40 | महेंद्र दळवी | अलिबाग |
| 41 | भरत गोगावले | महाड |
| 42 | ज्ञानराज चौगुले | उमरगा |
| 43 | कैलास पाटील | उस्मानाबाद |
| 44 | तानाजी सावंत | परांडा |
| 45 | शाहजी बापू पाटील | सांगोला |
| 46 | शंभूराजे देसाई | पाटण |
| 47 | योगेश कदम | दापोली |
| 48 | भास्कर जाधव | गुहागर |
| 49 | उदय सामंत | रत्नागिरी |
| 50 | राजन साळवी | राजापूर |
| 51 | वैभव नाईक | कुडाळ |
| 52 | दीपक केसरकर | सावंतवाडी |
| 53 | प्रकाश आबीटकर | राधानगरी |
| 54 | अनिल बाबर | खानापूर |
| 55 | सुजित मिंचेकर | हातकणंगले |
| 56 | उद्धव ठाकरे | विधान परिषद आमदार |