नगरसेवक पद रद्द, श्रीपाद छिंदमची पहिली प्रतिक्रिया

श्रीपाद छिंदम याने प्रसारमाध्यमांसमोर पहिली प्रतिक्रिया दिली (Shripad Chhindam comment)

नगरसेवक पद रद्द, श्रीपाद छिंदमची पहिली प्रतिक्रिया

अहमदनगर : छत्रपती शिवाजी महाराजांविषयी अवमानकारक भाषा वापरणारा नगरसेवक श्रीपाद छिंदमला ठाकरे सरकारने दणका दिला (Shripad Chhindam comment) आहे. महाविकास आघाडीने श्रीपाद छिंदम याचं नगरसेवकपद रद्द करण्याचा निर्णय घेतला आहे. महापुरुषांबद्दल अवमानकारक वक्तव्य केल्याप्रकरणी श्रीपाद छिंदमवर कारवाई करण्यात आली आहे. यानंतर श्रीपाद छिंदमने प्रसारमाध्यमांसमोर पहिली प्रतिक्रिया दिली (Shripad Chhindam comment).

“आताच मला अहमदनगर महापालिकेकडून आदेशाची प्रत मिळाली. तो आदेश मी वाचला. हा आदेश पाहिल्यानंतर तो योग्य आहे की अयोग्य? हे बोलणं सध्या तरी अयोग्य होईल. मात्र मंत्र्यांसमोर जे कामकाज आलं ते त्यांनी पूर्ण केले. याविरोधात याचिका दाखल करायची की नाही याचा निर्णय अद्याप घेतलेला नाही. या निर्णयाविरोधात माझा कोणावरही द्वेष नाही,” अशी प्रतिक्रिया श्रीपाद छिंदमने दिली.

तत्कालीन महापालिकेतील सभागृहाने छिंदमचं पद रद्द झाले पाहिजे, यासाठी ठराव केला होता. त्याबाबतची सुनावणी नगरविकासमंत्री एकनाथ शिंदे यांच्या मंत्रालयातील दालनात झाली.

छत्रपती शिवरायांचा अवमान भोवला, श्रीपाद छिंदमला ठाकरे सरकारचा दणका

अहमदनगरचा तत्कालीन उपमहापौर आणि भाजपच्या तिकीटावर त्यावेळी नगरसेवकपदी निवडून आलेल्या श्रीपाद छिंदम याने महापालिका कर्मचाऱ्याशी दूरध्वनीवरुन बोलताना छत्रपती शिवाजी महाराजांबाबत अवमान करणारे अपशब्द वापरले होते. दोन वर्षांपूर्वी घडलेल्या या घटनेचे राज्यभर तीव्र पडसाद उमटले (Shripad Chhindam comment) होते.

आश्चर्याची गोष्ट म्हणजे गेल्या वर्षी श्रीपाद छिंदम गेल्या वर्षी अहमदनगर महापालिकेच्या निवडणुकीला पुन्हा उभा राहिला होता. अपक्ष उभ्या राहिलेल्या छिंदमचा निवडणुकीत त्याचा विजयही झाला. त्यानंतर छत्रपती शिवरायांच्या तसबीरीला अभिवादन करत त्याने प्रायश्चित्त घेण्याचा प्रयत्न केला होता.

छिंदमने गेल्या वर्षी झालेल्या विधानसभा निवडणुकीत बसपच्या तिकीटावर रिंगणात उतरण्याची हिंमतही केली होती. पण मतदारांनी नाकारल्यामुळे तो विधीमंडळाची पायरी चढू शकला (Shripad Chhindam comment) नाही.

Click on your DTH Provider to Add TV9 MARATHI