‘या’ तारखेला साजरी होणार अक्षय्य तृतीया , पूजेचा मुहूर्त आणि सोने खरेदीची वेळ माहित्ये का ?

हिंदू धर्मात वैशाख महिन्याच्या शुक्ल पक्षातील तिसऱ्या दिवसाला विशेष महत्त्व आहे. दरवर्षी याच दिवशी अक्षय तृतीयेचा सण साजरा केला जातो. ही तारीख आणि सण धन आणि समृद्धीची देवी लक्ष्मीला समर्पित आहे. या दिवशी लक्ष्मी देवीची विधीपूर्वक पूजा केली जाते. असे मानले जाते की अक्षय तृतीयेला केलेले कोणतेही चांगले आणि शुभ कार्य अक्षय पुण्य म्हणजेच अखंड पुण्य प्रदान करते.

या शुभ दिवशी सोने किंवा सोन्याचे दागिने, भांडी इत्यादी खरेदी करणे शुभ मानले जाते. शिवाय अक्षय तृतीया हा एक शुभ काळ मानला जातो. याचा अर्थ असा आहे की या दिवशी लग्नासाठी शुभ मुहूर्त शोधण्याची गरज नसते कोणत्याही वेळी लग्नाचा सोहळा पार पाडता येतो. चला तर मग आजच्या लेखात आपण यावर्षी अक्षय तृतीया केव्हा साजरी केली जाईल. या दिवशी पूजेसाठी शुभ मुहूर्त कोणता असेल? तसेच हा सण का साजरा केला जातो, हेही जाणून घेऊयात.

अक्षय्य तृतीया 2026 कधी आहे?

पंचांगानुसार यावर्षी वैशाख महिन्याच्या शुक्ल पक्षाची तृतीया तिथी 19 एप्रिल रोजी सकाळी 10 वाजून 45 मिनिटांनी सुरू होईल. ही तिथी 20 एप्रिल रोजी सकाळी 7 वाजून 49 मिनिटांनी संपेल. अशातच मध्यान्हव्यापिनी तृतीया तिथी 19 एप्रिल रोजी दुपारी येईल. त्यामुळे यावर्षी अक्षय तृतीया 19 एप्रिल रोजी साजरी केली जाईल.

अक्षय्य तृतीया पूजा शुभ मुहूर्त

या दिवशी पूजेची वेळ सकाळी 10 वाजून 49 मिनिटांनी सुरू होईल. हा शुभकाळ दुपारी 12 वाजून 20 मिनिटांपर्यंत चालेल. या वेळेत लक्ष्मी मातेची पूजा कोणत्याही वेळी करता येईल.

सोने खरेदी करण्याची वेळ

या दिवशी सोने खरेदी करण्याचा शुभ मुहूर्त 19 एप्रिल रोजी सकाळी 10 वाजून 49 मिनिटांनी सुरू होईल.हा दिवस 20 एप्रिल रोजी पहाटे 5 वाजून 51 मिनिटांपर्यंत चालेल.

अक्षय्य तृतीया का साजरी केली जाते?

धार्मिक मान्यतेनुसार वैशाख महिन्याच्या तिसऱ्या दिवशी, विश्वाचे रक्षक भगवान विष्णूंनी परशुरामाच्या रूपात आपला सहावा अवतार घेतला. याच दिवशी सत्ययुग आणि त्रेतायुगाची सुरुवात झाली. अक्षय तृतीयेलाच संपत्तीचा देव कुबेराने भगवान शिवाची तपश्चर्या केली आणि त्यांच्यावर प्रसन्न होऊन महादेवाने त्यांना देवांचे कोषाध्यक्ष बनवले म्हणूनच या दिवशी अक्षय तृतीया साजरी केली जाते.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)