Apara Ekadashi 2021 : धन आणि पुण्य देणारी अपरा एकादशी, आर्थिक समस्या दूर करण्यासाठी हे उपाय करा

शास्त्रात एकादशी व्रताला पुण्य देणारे मानला जाते (Apara Ekadashi 2021 ). एका वर्षात एकूण 24 एकादशी असतात आणि सर्वांना वेगळी नावे आणि महत्त्व असते.

Apara Ekadashi 2021 : धन आणि पुण्य देणारी अपरा एकादशी, आर्थिक समस्या दूर करण्यासाठी हे उपाय करा
Lord Vishnu Image

मुंबई : शास्त्रात एकादशी व्रताला पुण्य देणारे मानला जाते (Apara Ekadashi 2021 ). एका वर्षात एकूण 24 एकादशी असतात आणि सर्वांना वेगळी नावे आणि महत्त्व असते. मान्यता आहे की या एकादशीचे व्रत ठेवल्याने पाप, दु:ख, रोग, कष्ट इत्यादी दूर होतात आणि व्यक्ती मोक्षाच्या दिशेने जाते. हिंदू कॅलेंडरनुसार, अपरा एकादशी व्रत दरवर्षी ज्येष्ठ महिन्यातील कृष्ण पक्षाच्या एकादशीला पाळला जातो. यावेळी अपरा एकादशी 6 जून रोजी म्हणजेच आज साजरी केली जात आहे (Apara Ekadashi 2021 Do These Upay For Good Luck And Prosperity).

अपरा एकादशीला अचला एकादशी म्हणूनही ओळखले जाते. ही एकादशी खूप पुण्य आणि अपार संपत्ती देणारी मानली जाते. मान्यता आहे की, या दिवशी उपवास ठेवल्याने एखाद्या व्यक्तीला नकळत केलेल्या पापातून मुक्तता मिळते आणि आयुष्यात सौभाग्य येते. शास्त्रात एकादशीचा दिवस खूप पवित्र मानला जातो. मान्यता आहे की या दिवशी केलेले उपाय अतिशय प्रभावी ठरतात. तुमच्या घरात बऱ्याच समस्या असल्यास एकादशीच्या दिवशी हे उपाय केल्याने आराम मिळू शकेल.

✳️ कर्जातून मुक्त होण्यासाठी

कोरोना कालावधीने बर्‍याच लोकांना रस्त्यावर आणले. होत्याचं नव्हतं झालं. बर्‍याच लोकांनी नोकर्‍या गमावल्या आहेत आणि बर्‍याच लोकांचे व्यवसाय ठप्प झाले आहेत. अशा परिस्थितीत सर्व लोकांवर कर्जाचा मोठा डोंगर आहे. जर तुमच्यासोबतही असेच काही घडत असेल तर तुम्ही पिंपळाच्या झाडाला गोड पाणी द्यावे आणि संध्याकाळी पिंपळाच्या झाडाखाली दिवा लावा. शक्य असल्यास प्रत्येक एकादशीला हे करा. लवकरच तुम्हाला श्री हरीचा आशीर्वाद मिळेल.

✳️ घरात सुख-शांती राखण्यासाठी

जर तुमच्या घरात दररोज भांडणं होत असेल तर नारायण यांच्यासह देवी लक्ष्मीचीही पूजा करावी. तसेच विष्णू यंत्राची पूजा करा. यानंतर, श्रीमद् भागवत यांचे पठण करा आणि आपल्या घरात सुख-शांती राहावी यासाठी देवाची प्रार्थना करा. यामुळे देवाचे आशीर्वाद मिळतात.

✳️ आर्थिक संकट सोडविण्यासाठी

एकादशीच्या दिवशी सकाळी भगवान विष्णूची पूजा करताना काही पैसे भगवान नारायण आणि देवी लक्ष्मीच्या प्रतिमेसमोर ठेवा. सर्व पूजा विधीवत करा, त्यानंतर नारायण आणि देवी लक्ष्मी यांना घरातील आर्थिक अडचणी दूर करण्यासाठी प्रार्थना करा आणि ती रक्कम प्रसाद म्हणून आपल्या घरातील तिजोरी, पर्स किंवा अशा कुठल्या ठिकराणी ठेवा जिथे पैसे ठेवले जातात. काही दिवसातच तुम्हाला बदल जाणवेल.

✳️ सौभाग्याच्या प्राप्तीसाठी

जर तुमचे नशीब अनुकूल नसेल आणि तुमची कामे पूर्ण होत नसतील तर एकादशीच्या दिवशी तुम्ही भगवान नारायण आणि देवी लक्ष्मीचे चित्र लावून दक्षिणावर्ती शंखाने नारायणचा अभिषेक करावा. नारायणाला पंचामृत आणि पिवळ्या वस्तू अर्पण करा, देवीला लक्ष्मीला खिरीचं नैवेद्य द्या. प्रामाणिक अंतःकरणाने त्यांची उपासना करा आणि मग परमेश्वराला आपल्या समस्या दूर करण्याची प्रार्थना करा.

एकादशीचा शुभ मुहूर्त –

एकादशी व्रत तिथी : 6 जून 2021, रविवार

एकादशी तिथी : 5 जून 2021, शनिवारी सकाळी 04.07 वाजता

एकादशीची तिथी समाप्त : 6 जून 2021, रविवारी सकाळी 06: 19

व्रत पारण शुभ मुहूर्त : 7 जून 2021 रोजी सकाळी 05:12 ते सकाळी 07:59

Apara Ekadashi 2021 Do These Upay For Good Luck And Prosperity

टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…

संबंधित बातम्या :

Garuda Purana : ‘या’ पाच व्यक्तींची संगत तुम्हाला विनाशाच्या मार्गावर नेईल

Shani Jayanti 2021 | शनि जयंती कधी आहे? जाणून घ्या या दिवसाचं महत्त्व आणि शुभ मुहूर्त

Click on your DTH Provider to Add TV9 MARATHI