कानडा राजा पंढरीचा, श्री विठ्ठल रुक्मिणीमातेच्या पदस्पर्श दर्शनाची लगबग, मंदिर प्रशासनाची जय्यत तयारी सुरु
चैत्र महिन्यातील शुक्ल पक्षाच्या प्रतिपदेच्या तिथी गुढी पाडवा म्हणून साजरी केली जाते (Gudi Padwa 2022). यावेळी गुढी पाडव्याचा सण 2 एप्रिलला साजरा केला जाणार आहे.
चैत्र महिन्यातील शुक्ल पक्षाच्या प्रतिपदेच्या तिथी गुढी पाडवा म्हणून साजरी केली जाते (Gudi Padwa 2022). यावेळी गुढी पाडव्याचा सण 2 एप्रिलला साजरा केला जाणार आहे.या दिवशी घरात वेगवेगळ्या प्रकारचे पदार्थ बनवले जातात. भगवान ब्रह्मा आणि विष्णूची पूजा केली जाते.
हिंदू धर्मात असे मानले जाते की चैत्र महिन्यापासून नवीन वर्षाची सुरुवात होते. विशेषकरुन महाराष्ट्रात हिंदू नववर्ष हा गुढीपाडवा म्हणून साजरा केला जातो. हा दिवस पीक दिवस म्हणूनही साजरा केला जातो.
श्री विठ्ठल रुक्मिणीमातेच्या पदस्पर्श दर्शनास गुढीपाडव्याचा मुहूर्त असल्याने मंदिर प्रशासनाची तयारी सुरु झाली आहे. गुढी पाडव्याच्या मुहूर्तावर श्री विठ्ठल रुक्मिणीमातेचे पदस्पर्श दर्शन सुरू होणार असल्याने मंदिरात स्वच्छ्ता तसेच पदस्पर्श दर्शन रांग, मुख दर्शन रांग आणि ऑनलाइन दर्शन रांग व्यवस्थीत ठेवून भाविकाना सुलभ आणि त्वरित दर्शन मिळण्यासाठी मंदिर प्रशासन तयारीला लागले आहे.
श्री विठ्ठल रुक्मिणी मंदिर समिती आता भाविकांना पद स्पर्श दर्शन देण्याच्या साठी लागणाऱ्या आवश्यक बाब पूर्ण करण्याकडे लक्ष देत आहे.
पद स्पर्श दर्शन रांग, मुख दर्शन रांग आणि ऑनलाइन दर्शन रांग असणार आहेत. त्यामुळे समितीने आज पासून श्री विठ्ठल सभा मंडप , दर्शन रांग , रुक्मिणी मंडप या ठिकाणी पाण्याच्या फवाऱ्या ने स्वच्छता सुरू केली आहे. नव वर्षाचा सण यातच सुरू होणारे पद स्पर्श दर्शन यामुळे मंदिरात सध्या लगबग सुरू आहे.
