Vastu Shastra : या 5 ठिकाणी कधीच ठेवू नका पैसे, कायम आर्थिक चणचण जाणवेल, वास्तुशास्त्र काय सांगतं?

काही जणांच्या बाबतमीमध्ये असं नेहमी होतं, ते प्रचंड कष्ट करतात, परंतु तरी देखील त्यांच्या हातात पैसा टिकत नाही. महिन्याच्या शेवटी बँक अकाऊंट रिकाम असतं. या मागे त्या घरात निर्माण झालेला ऊर्जादोष देखील कारणीभूत असू शकतो. वास्तुशास्त्रानुसार आपल्या घरात अशा पाच जागा असतात, जिथे चुकूनही पैसे ठेवले नाही पाहिजेत. कारण त्यामुळे तुमच्या अर्थप्राप्तीच्या मार्गात अडथळा निर्माण होऊ शकतो. चला तर मग ही पाच ठिकाणं नेमकी कोणती आहेत? आणि त्याबद्दल वास्तुशास्त्रामध्ये काय सांगण्यात आलं आहे? याबद्दल जाणून घेऊयात. वास्तुशास्त्रानुसार यातील काही ठिकाणं तर अशी आहेत, ज्यांचा थेट सकारात्मक किंवा नकारात्मक ऊर्जेशी संबंध येतो, त्यामुळे तुमच्या आर्थिक प्राप्तीच्या मार्गात अडथळे निर्माण होऊ शकतात.

स्वयंपाक घरातील डबे – अनेकांना विशेषत: महिलांना स्वयंपाक घरातील डब्यामध्ये पैसे ठेवण्याची सवय असते. मात्र वास्तुशास्त्रानुसार कधीही स्वयंपाक घरातील डब्यामध्ये पैसे ठेवू नये, कारण स्वयंपाक घर हे अग्नि तत्वाशी संबंधित असतं. त्यामुळे कधीही स्वयंपाक घरात पैसे, दागिने ठेवू नयेत.

घराच्या मुख्य दरवाजाच्या आसपास – वास्तुशास्त्रानुसार कधीही तुमच्या घराच्या मुख्य दरवाजाच्या जवळ पैसे ठेवू नये. कारण तुमच्या घराचा मुख्य दरवाजा हा उर्जेचा सर्वात मोठा स्त्रोत असतो. मात्र घराच्या मुख्य दवराजामधून सकारात्मक आणि नकारात्मक अशा दोन्ही ऊर्जा प्रवेश करत असतात.

बेडखाली पैसे ठेवू नका – वास्तुशास्त्रानुसार पैसे किंवा कोणतीही मौल्यवान वस्तू कधीही बेडच्या खाली ठेवू नये, कारण यामुळे ऊर्जा संतुलन बिघडतं. तसेच वारंवार तुमच्या झोपेमध्ये अडथळे येतात. त्यामुळे कधीही पैसे बेडीखाली ठेवू नयेत, असं वास्तुशास्त्रामध्ये म्हटलं आहे.

जीन्याखालची जागा – वास्तुशास्त्रानुसार अनेक लोक हे आपल्या घरातील जीन्याखाली उरलेल्या जागेचा उपयोग कपाट बनवण्यासाठी करतात. परंतु अशा कपाटामध्ये कधीही पैसा ठेवू नये, असं वास्तुशास्त्र सांगतं. कारण या जागेवर सदैव भार असतो, ज्याचा नकारात्मक प्रभाव निर्माण होतो.

घराच्या ईशान्य कोपऱ्यात – वास्तुशास्त्रानुसार कधीही घराच्या ईशान्य कोपर्‍यात पैसे ठेवू नये, तसेच या कोपऱ्यात कधीही तुमची तिजोरी असू नये, असं वास्तुशास्त्रामध्ये सांगण्यात आलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)