CSK vs SRH Live Streaming : चेन्नईसमोर हैदराबादचं आव्हान, ऑरेंज आर्मी प्लेऑफचं तिकीट मिळवणार?
Chennai Super Kings vs Sunrisers Hyderabad IPL 2026 Live Scorecard: चेन्नई सुपर किंग्स आणि सनरायझर्स हैदराबाद 18 मे रोजी 19 व्या हंगामात दुसऱ्यांदा आमनेसामने येणार आहेत. चेन्नईकडे या सामन्यात ऑरेंज आर्मीचा हिशोब करण्याची संधी आहे.
आयपीएल स्पर्धेच्या 19 व्या मोसमात (IPL 2026) सोमवारी 18 मे रोजी 63 व्या सामन्यात 2 चॅम्पियन संघ आमनेसामने असणार आहे. ऋतुराज गायकवाड चेन्नईचं नेतृत्व करणार आहे. तर पॅट कमिन्स सनरायझर्स हैदराबादच्या कर्णधारपदाची जबाबदारी सांभाळणार आहे. दोन्ही संघांचा हा या हंगामातील 13 वा सामना असणार आहे. तसेच दोन्ही संघांनी आमनेसामने येण्याची ही दुसरी वेळ असणार आहे. दोन्ही संघ प्लेऑफच्या शर्यतीत कायम आहेत. चेन्नईच्या तुलनेत हैदराबादची स्थिती चांगली आहे. त्यामुळे या सामन्यात चेन्नई सुपर किंग्स विरुद्ध सनरायझर्स हैदराबाद यांच्यात कडवी झुंज पाहायला मिळणार आहे. या निमित्ताने सामन्यातील महत्त्वाची माहिती जाणून घेऊयात.
चेन्नई सुपर किंग्स विरुद्ध सनरायझर्स हैदराबाद सामना कधी?
चेन्नई सुपर किंग्स विरुद्ध सनरायझर्स हैदराबाद सोमवारी 18 मे रोजी होणार आहे.
चेन्नई सुपर किंग्स विरुद्ध सनरायझर्स हैदराबाद सामना कुठे?
चेन्नई सुपर किंग्स विरुद्ध सनरायझर्स हैदराबाद सामना एमए चिदंबरम स्टेडिमय, चेन्नई इथे होणार आहे.
चेन्नई सुपर किंग्स विरुद्ध सनरायझर्स हैदराबाद सामन्याला किती वाजता सुरुवात होणार?
चेन्नई सुपर किंग्स विरुद्ध सनरायझर्स हैदराबाद सामन्याला संध्याकाळी 7 वाजून 30 मिनिटांनी सुरुवात होणार आहे. तर 7 वाजता टॉस होणार आहे.
चेन्नई सुपर किंग्स विरुद्ध सनरायझर्स हैदराबाद सामना टीव्ही-मोबाईलवर कुठे पाहायला मिळेल?
चेन्नई सुपर किंग्स विरुद्ध सनरायझर्स हैदराबाद सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल. तर लाईव्ह मॅच जिओहॉटस्टार एपद्वारे मोबाईल-लॅपटॉपवर पाहता येईल.
चेन्नई हैदराबादचा हिशोब करणार?
हैदराबादने 12 पैकी 7 सामने जिंकलेत. हैदराबादच्या खात्यात 14 गुण आहेत. तर चेन्नईने 12 पैकी 6 सामने जिंकून 12 गुणांची कमाई केलीय. त्यामुळे हैदराबादचा आणखी 2 गुण मिळवून प्लेऑफमधील प्रवेश आणखी सुरक्षित करण्याचा प्रयत्न असणार आहे. तर दुसऱ्या बाजूला चेन्नईचा हैदराबादला पराभूत करुन हिशोब करुन आपलं आव्हान कायम ठेवण्याचा प्रयत्न असणार आहे.
याआधी दोन्ही संघांत 18 एप्रिल रोजी आमनासामना झाला होता. तेव्हा हैदराबादने चेन्नईवर 10 धावांनी विजय मिळवला होता. त्यामुळे यलो आर्मी ऑरेंज आर्मीचा हिशोब करणार का? हे पाहणं महत्त्वाचं ठरणार आहे.
हेड टु हेड रेकॉर्ड्स
दरम्यान उभयसंघात आतापर्यंत एकूण 23 सामने खेळवण्यात आले आहेत. चेन्नईने 23 पैकी सर्वाधिक 15 सामने जिंकले आहेत. तर हैदराबाद 8 सामने जिंकण्यात यशस्वी ठरली आहे.
