दुर्देवी क्रिकेटर! सचिनसोबतच केली करिअरला सुरुवात, पण नशिबाने साथ सोडली आणि सगळंच संपलं; कोण आहे हा क्रिकेटर?

Salil Ankola : क्रिकेट हे असं क्षेत्र आहे, जिथे सूर गवसला की खेळाडू यशाच्या शिखरावर जाऊन पोहोचतो. तर काही खेळाडू मात्र क्षमता असूनही नशिबाने साथ न दिल्याने कितीही प्रयत्न केला तरीही करिअरमध्ये नाव कमवू शकत नाहीत. क्रिकेटचा देव म्हणून ओळख असलेल्या सचिन तेंडुलकरला आज संपूर्ण जग ओळखते. परंतु त्याच्यास सोबत क्रिकेटमध्ये आपल्या करिअरची सुरुवात केलेले असे काही खेळाडू होऊन गेले, ज्यांनी क्रिकेटचे सामने खेळले. परंतु ते नंतर कुठेही चमकले नाहीत. त्यांना आयुष्यात सचिन एवढी प्रसिद्धी, मान, सन्मान कधीच मिळाला नाही. यापैकीच एक खेळाडू म्हणजे सलिल अंकोला होय.

सचिन तेंडुलकरसोबत केला डेब्यू

सलिल अंकोला हे कधीकाळी भारतीय क्रिकेट संघाचा भाग होते. विशेष म्हणजे 1989 साली अंकोला यांनी सचिन तेंडुलकरसाठीच भारतीय क्रिकेट संघासाठी डेब्यू केलं होतं. सचिन तेंडुलकर पुढे गेला परंतु अंकोला मात्र खास काही करू शकले नाहीत. आजही ते त्यांच्या आयुष्यात झगडत असतात. त्यांनी भारतीय क्रिकेट संघाकडून क्रिकेट खेळलेलं आहे. ते कधीकाळी निवड समितीचा भागही राहिलेले आहेत. ते 2023 साली नॅशलन सिलेक्टर म्हणून नियुक्त झाले होते. ऑगस्ट 2024 पर्यंत ते या पदावर होते.

भारतासाठी 20 एकदिवसीय सामने खेळले

अंकोला यांनी 1989 साली पहिल्यांदा भारतीय संघासाटी कसोटी क्रिकेटच्या माध्यमातून डेब्यू केला. त्यांचा हा पहिला सामना पाकिस्तानातील कराची येते झाला होता. या सामन्यात त्यांनी दोन गडी बाद केले होते. याच कसोटी सामन्यात सचिन तेंडुलकर आणि पाकिस्तानी खेळाडू वकार युनिस यांनी डेब्यू केला होता. अंकोला यांनी भारतासाठी 20 एकदिवसीय सामने खेळलेले आहेत. या सामन्यांत त्यांच्या नावावर एकूण 13 विकेट्स आहेत. त्यांनी आपला शेवटचा एकदिवसीय सामना 1997 साली खेळला. त्यांनी आपल्या करिअरमध्ये 54 प्रथम श्रेणीचे सामने खेळले. त्यांना हनवटीवर गंभीर इजा झाली होती. त्यामुळे पुढे ते कधीच क्रिकेट खेळू शकले नाहीत. त्यांनी 1997 साली क्रिकेटमधून सन्यास घेतला.