CSK vs SRH : सनरायझर्स हैदराबादची चिवट बॉलिंग, चेन्नईच्या 180 धावा, कोण जिंकणार?

सनरायझर्स हैदराबाद टीमच्या गोलंदाजांनी आयपीएल 2026 स्पर्धेतील (IPL 2026) 63 व्या आणि निर्णायक सामन्यात चिवट बॉलिंग करत होम टीम चेन्नई सुपर किंग्सला मोठी धावसंख्या करण्यापासून यशस्वीरित्या रोखलं आहे. चेन्नईने एमए चिदंबरम स्टेडियममध्ये हैदराबादसमोर विजयासाठी 181 धावांचं आव्हान ठेवलं आहे. चेन्नईने 20 ओव्हरमध्ये 7 विकेट्स गमावून 180 धावा केल्या. त्यामुळे आता चेन्नई सामना जिंकून आव्हान कायम राखणार की हैदराबाद सामना जिंकून आपल्यासह गुजरात टायटन्सला प्लेऑफचं तिकीट मिळवून देणार? हे थोड्याच वेळात स्पष्ट होईल. त्यामुळे या सामन्यातील शेवटच्या 20 ओव्हरकडे लक्ष असणार आहे.