एलिस पेरीकडून ऑस्ट्रेलियाच्या इतिहासात कोणालाही न जमलेला पराक्रम, कपिल, इम्रान, बॉथमच्या पंक्तित स्थान

ऑस्ट्रेलियाच्या गोल्ड कोस्ट येथे भारत आणि ऑस्ट्रेलिया महिला संघांमध्ये (India-W vs Australia-W) डे-नाईट टेस्ट मॅच खेळवली जात आहे.

एलिस पेरीकडून ऑस्ट्रेलियाच्या इतिहासात कोणालाही न जमलेला पराक्रम, कपिल, इम्रान, बॉथमच्या पंक्तित स्थान
Ellyse Perry
Follow us
| Updated on: Oct 02, 2021 | 6:24 PM

मुंबई : ऑस्ट्रेलियाच्या गोल्ड कोस्ट येथे भारत आणि ऑस्ट्रेलिया महिला संघांमध्ये (India-W vs Australia-W) डे-नाईट टेस्ट मॅच खेळवली जात आहे. भारतीय संघाचा हा पहिला डे-नाईट कसोटी सामना आहे, या सामन्यात भारतीय खेळाडू त्यांच्या कामगिरीने छाप पाडण्यात यशस्वी झाले आहेत. भारताच्या पहिल्या डावात स्मृती मांधनाने शानदार शतक झळकावले. या शतकी खेळीच्या जोरावर भारताने पहिल्या डावात आठ गडी गमावून 377 धावा करत डाव घोषित केला. भारतीय संघाच्या खेळाडूंनी त्यांच्या कामगिरीने मने जिंकली, तर एका ऑस्ट्रेलियन खेळाडूने असा विक्रम केला आहे जो त्यांच्या देशातील इतर कोणत्याही खेळाडूने आतापर्यंत केला नाही. एलिस पेरी (Ellyse Perry)असे या खेळाडूचे नाव आहे. पेरीने जो विक्रम केला आहे, तो तिच्या देशातील कोणताही पुरुष किंवा महिला खेळाडू करु शकलेली नाही. (Ellyse Perry Becomes First Woman Cricketer To Achieve 5000 Runs, 300 Wickets In International Cricket)

या सामन्यात पेरीने भारताच्या पूजा वस्त्राकरची विकेट घेताच तिला इतिहासात आपले नाव नोंदवण्यात यश आले. पूजाच्या विकेटसह पेरीने क्रिकेटच्या तिन्ही फॉरमॅटमध्ये मिळून आंतरराष्ट्रीय क्रिकेटमध्ये आपल्या 300 विकेट्स पूर्ण केल्या आहेत. यासह, ती आंतरराष्ट्रीय क्रिकेटमध्ये 300 विकेट आणि 5000 पेक्षा जास्त धावा करणारी तिच्या देशातील पहिली खेळाडू बनली आहे. ऑस्ट्रेलियाकडून आतापर्यंत पुरुष खेळाडू किंवा कोणत्याही महिला खेळाडूने अशी कामगिरी केलेली नाही. तसेच, महिला क्रिकेटमध्ये हा विक्रम करणारी पेरी ही पहिली खेळाडू आहे. पेरीने या सामन्यात 27 षटकं गोलंदाजी केली आणि 76 धावा देऊन दोन बळी घेतले. यादरम्यान तिने चार निर्धाव षटकंदेखील टाकली. पूजाला बाद करण्यापूर्वी पेरीने यास्तिका भाटियाला बेथ मुनीकरवी झेलबाद केले होते. पेरीने आतापर्यंत कसोटीत 33 विकेट्स घेतल्या आहेत. या फॉरमॅटमध्ये तिने फलंदाजीत आतापर्यंत आठ सामन्यांमध्ये 624 धावा केल्या आहेत.

वनडे आणि टी – 20 मध्ये दमदार कामगिरी

दुसरीकडे, जेव्हा टी 20 आणि एकदिवसीय सामन्यांचा प्रश्न येतो तेव्हा पेरीने 118 एकदिवसीय सामन्यांमध्ये 3135 धावा केल्या आहेत, ज्यात दोन शतके आणि 28 अर्धशतके आहेत. टी – 20 मध्ये तिने 123 सामने खेळले आहेत आणि त्यात 1243 धावा केल्या आहेत. पेरीने या फॉरमॅटमध्ये चार अर्धशतके केली आहेत. गोलंदाजीबद्दल बोलायचे झाले तर पेरीने एकदिवसीय सामन्यात 152 विकेट्स घेतल्या आहेत. आणि टी -20 मध्ये तिने 115 बळी घेण्यात यश मिळवले आहे.

दिग्गजांच्या यादीत स्थान

पेरीच्या आधी अशी कामगिरी काही पुरुष क्रिकेटपटूंनी केली आहे. तुम्ही ही यादी पाहिली, तर तुम्हाला यात इंग्लंडचा इयान बॉथम, भारताचा कपिल देव, पाकिस्तानचा इम्रान खान, वासीम अक्रम, दक्षिण आफ्रिकेचे जॅक कॅलिस आणि शॉन पोलॉक, श्रीलंकेचे सनथ जयसूर्या आणि चामिंडा वास हे महान खेळाडू दिसतील. आता या क्रिकेटपटूंच्या यादीत एलिस पेरीचे नाव समाविष्ट झाले आहे. पेरीच्या आधी 17 पुरुष खेळाडूंनी आंतरराष्ट्रीय क्रिकेटमध्ये अशी कामगिरी केली आहे.

इतर बातम्या

मंधानाचं शतक, भारतीय क्रिकेटपटू म्हणाली, ओ हसिना जुल्फोंवाली…., मग स्मृतीच्या उत्तराने बोलती बंद!

IPL 2021: मराठमोळ्या ऋतुराजसमोर फिके पडले सर्व फलंदाज, युएईत खास कामगिरी

IPL 2021: कर्णधार केएल राहुलची एकाकी झुंज यशस्वी, रोमहर्षक सामन्यात पंजाब 5 गडी राखून विजयी

(Ellyse Perry Becomes First Woman Cricketer To Achieve 5000 Runs, 300 Wickets In International Cricket)

Non Stop LIVE Update
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.