IND vs NED T20 WC Score Updates and Highlights : भारताने नेदरलँडविरुद्धचा सामना 17 धावांनी जिंकला, पण झेल सोडल्याने संताप

भारताने नेदरलँडविरूद्धचा सामना 17 धावांनी जिंकला. या सामन्यात नेदरलँडने भारताला कडवी झुंज दिली. भारताने विजायासाठी 193 धावांचं आव्हान ठेवलं होतं. पण नेदरलँडने 7 गडी गमवून 176 धावा केल्या. या सामन्यात भारताच्या गचाळ क्षेत्ररक्षणाचं दर्शन घडलं. अशा चुका तगड्या संघाविरुद्ध करणं महागात पडू शकतं.

नेदरलँडला शिवम दुबेने सातवा धक्का दिला.  झॅक लायन-कॅशेटला वॉशिंग्टन सुंदरने झेलबाद करून तंबूत पाठवलं त्याने 16 चेंडूत 26 धावा केल्या आणि बाद झाला. 

जसप्रीत बुमराह याने नेदरलँड्सच्या कॅप्टनला बोल्ड केलं आहे. बुमराहने स्कॉट एडवर्ड्स याला बोल्ड केलं आहे. एडवर्ड्सने 10 बॉलमध्ये 15 रन्स केल्या.

शिवम दुबे याने बास द लीडे याला आपल्याच बॉलवर कॅच आऊट केलं. टीम इंडियाने अशाप्रकारे नेदरलँड्सला पाचवा झटका दिला आहे.  बास द लीडे याने 23 बॉलमध्ये 33 धावा केल्या.

टीम इंडियाचा मिस्ट्री स्पिनर वरुण चक्रवर्ती याने धमाका केला आहे. वरुणने नेदरलँड्सला एकाच ओव्हरमध्ये सलग 2 झटके दिले आहेत. वरुणने कुलीन एकरमॅन आणि त्यानंतर आर्यन दत्त दोघांना आऊट केलं. मात्र वरुण हॅट्रिक बॉलवर विकेट घेण्यात अपयशी ठरला.

बास द लीडे आणि कुलीन एकरमॅन ही जोडी जमली आहे. टीम इंडियाने नेदरलँड्सला 51 धावांवर दुसरा झटका दिला. त्यानंतर बास द लीडे आणि कुलीन एकरमॅन या दोघांनी तिसऱ्या विकेटसाठी 11 ओव्हरपर्यंत 82 धावांपर्यंत पोहचवलंय.

वॉशिंग्टन सुंदर याने बाउंड्री लाईनवर सुरेख कॅच घेतला. सुंदरने मायकल लेविटचा कडक कॅच घेत त्याला मैदानाबाहेरचा रस्ता दाखवला. मायकल लेविट याने 23 बॉलमध्ये 24 धावा केल्या.

वरुण चक्रवर्ती याने अखेर टीम इंडियाची प्रतिक्षा संपवली आहे. वरुणने मॅक्स ओडॉड याला क्लिन बोल्ड करत नेदरलँड्सला पहिला झटका दिला आहे. मॅक्स ओडॉड याने 20 धावा केल्या.

नेदरलँड्सच्या सलामी जोडीने 194 धावांचा पाठलाग करताना सावध सुरुवात केली आहे. नेदरलँड्सच्या मायकेल लेविट आणि मॅक्स ओडॉड या जोडीने 4 ओव्हरमध्ये बिनबाद 22 धावा जोडल्या आहेत.

नेदरलँडकडून मायकेल लेविट आणि मॅक्स ओडॉड जोडी मैदानात उतरली आहे. भारताने विजयासाठी 194 धावांचं लक्ष्य ठेवलं आहे. आता पावरप्लेमध्ये किती धावा करतात याकडे लक्ष लागून आहे.

भारताने नेदरलँडविरुद्ध 6 गडी गमवून 193 धावा केल्या. नेदरलँडसमोर विजयासाठी 194 धावांचं आव्हान आहे. आता या सामन्यात कोण बाजी मारणार याकडे लक्ष्य लागून आहे. अभिषेक शर्मा या सामन्यातही शून्यावर बाद झाला. पण मधल्या फळीत शिवम दुबे आणि हार्दिक पांड्या यांनी डाव सावरला.

शिवम दुबे आणि हार्दिक पांड्याच्या भागीदारीमुळे टीम इंडियाचा डाव सावरला. या दोघांनी पाचव्या विकेटसाठी 76 धावांची भागीदारी केली. शेवटच्या षटकाच्या शेवटच्या चेंडूवर हार्दिक पांड्याने उत्तुंग फटका मारला पण झेल बाद झाला. हार्दिक पांड्या 21 चेंडूत 30 धावा करून बाद झाला.

शिवम दुबेच्या रुपाने टीम इंडियाला पाचवा धक्का बसला आहे. शिवम दुबेने 31 चेंडूत 66 धावांची खेळी केली. त्याचा बाउंड्री लाइनवर पकडला गेला. त्याच्या खेळीमुळे भारताचा डाव सावरला हे मात्र खरं आहे.

शिवम दुबे याने चौकार लगावत अर्धशतक पूर्ण केलं आहे. शिवमने 25 बॉलमध्ये हे अर्धशतक पूर्ण केलं. टीम इंडियाच्या यासह 17 ओव्हरमध्ये 4 आऊट 153 झाल्या आहेत. त्यामुळे आता टीम इंडिया 200 धावांपर्यंत पोहचणार का? हे थोड्याच वेळात स्पष्ट होईल.

टीम इंडियाने 16 ओव्हरमध्ये 4 विकेट्स गमावून 133 धावा केल्या आहेत. टीम इंडियाची शिवम दुबे आणि हार्दिक पंड्या ही ऑलराउंड जोडी मजली आहे. शिवम दुबे 33 आणि हार्दिक 13 धावांवर खेळत आहेत.

नेदरलँड्सने टीम इंडियाला चौथा आणि मोठा झटका दिला आहे. नेदरलँड्सने भारताचा कर्णधार सूर्यकुमार यादव याला आऊट केलं आहे. सूर्याने 28 बॉलमध्ये 34 रन्स केल्या. सूर्याने या खेळीत 1 षटकार आणि 2 चौकार लगावले.

टीम इंडियाचा ओपनर शिवम दुबे याने 13 व्या ओव्हरमधील चौथ्या बॉलवर सिक्स लगावला.  शिवमच्या या सिक्ससह टीम इंडियाच्या 100 धावा पूर्ण झाल्या. शिवमने या सिक्सआधी या ओव्हरमध्ये फोर आणि सिक्स लगावला. भारताला या ओव्हरमधून एकूण 19 धावा मिळाल्या.

टीम इंडियाने 11 ओव्हरमध्ये 3 विकेट्स गमावून 76 धावा केल्या आहेत. मैदानात कॅप्टन सूर्यकुमार यादव आणि शिवम दुबे ही मुंबईकर जोडी खेळत आहे. सूर्या 23 आणि शिवम 3 धावांवर नाबाद खेळत आहेत.  भारताला मोठी धावसंख्या उभारायची असेल तर या जोडीला निर्णायक भूमिका बजावावी लागणार आहे.

नेदरलँड्सचा अनुभवी खेळाडू रोलॅफ व्हॅन डर मर्व्ह याने हवेत झेप घेत तिलक वर्मा याचा सुरेख कॅच घेतला आहे. रोलॅफ व्हॅन डर मर्व्ह याने घेतलेल्या कॅचमुळे भारताला तिसरी विकेट गमवावी लागली. तिलकने 27 बॉलमध्ये 21 रन्स केल्या.

टीम इंडियाचा स्टार फलंदाज इशान किशन दुर्देवीरित्या क्लिन बोल्ड झाला आहे. इशानच्या रुपात भारताने दुसरी विकेट गमावली आहे. इशान 7 बॉलमध्ये 18 रन्स करुन आऊट झाला.

टीम इंडियाचा ओपनर अभिषेक शर्मा सलग तिसऱ्यांदा झिरोवर आऊट झाला. त्यानंतर तिलक वर्मा इशान किशन याला साथ देण्यासाठी मैदानात आला.  या जोडीने भारताला आतापर्यंत 4 ओव्हरमध्ये 35 धावांपर्यंत पोहचवलं आहे. इशान 14 आणि तिलक 21 रन्सवर खेळत आहेत.

अभिषेक शर्माकडून पुन्हा एकदा निराशा पदरी पडली आहे. सलग तिसऱ्यांदा शून्यावर बाद झाला आहे. नेदरलँडविरुद्धच्या सामन्यातही त्याच्या शून्यावर बाद होण्याची नामुष्की ओढावली आहे. त्याने टी20 वर्ल्डकपमध्ये शून्यावर बाद होण्याची हॅटट्रीक केली.

टीम इंडिया-नेदरलँड्स सामन्याआधी दोन्ही देशाचं राष्ट्रगीत सुरु होणार आहे. राष्ट्रगीत पार पडल्यानंतर अवघ्या काही मिनिटांत सामन्याला सुरुवात होईल.

नेदरलँड्स (प्लेइंग इलेव्हन): मायकेल लेविट, मॅक्स ओ’डॉड, बास डी लीडे, कॉलिन अकरमन, स्कॉट एडवर्ड्स (विकेटकीपर/कर्णधार), झॅक लायन-कॅशेट, रोएलॉफ व्हॅन डर मर्वे, लोगन व्हॅन बीक, आर्यन दत्त, काइल क्लेन, नोहा क्रोस

नेदरलँडचा कर्णधार स्कॉट एडवर्ड्स म्हणाला की,  आम्ही फलंदाजी केली असती. ती चांगली खेळपट्टी दिसतेय. आमच्यासाठी हे आमचे अभियान चांगल्या प्रकारे पूर्ण करण्याबद्दल आहे. आज फक्त संपूर्ण कामगिरी करण्याचा विचार करत आहोत. आमच्याकडे एक बदल आहे.

सूर्यकुमार यादव म्हणाला की, आम्ही प्रथम फलंदाजी करणार आहोत. मैदान चांगले दिसते आहे. आम्हाला धावा काढायच्या आहेत आणि गोलंदाजांवर दबाव आणायचा आहे जेणेकरून ते एकूण धावसंख्येचा बचाव करतील. कॅम्पमधील मूड खरोखरच चांगला आहे आणि ते ज्या पद्धतीने क्रिकेट खेळत आहेत मला त्यांना तसेच खेळवायचे आहे. प्रत्येक सामन्यात कोणीतरी चांगली कामगिरी करत आहे आणि ते पाहणे चांगले आहे. आमच्याकडे दोन बदल आहेत. कुलदीपऐवजी अर्शदीप आला आहे, तर अक्षर विश्रांती घेत आहे आणि वॉशिंग्टन आला आहे.

भारत आणि नेदरलँड यांच्यात साखळी फेरीतील शेवटचा सामना होत आहे. भारताने आधीच सुपर 8 फेरीत जागा मिळवली आहे. त्यामुळे औपचारिक सामना असणार आहे. भारताने नाणेफेकीचा कौल जिंकला आणि प्रथम फलंदाजी करण्याचा निर्णय घेतला आहे.

नेदरलँड्सला साखळी फेरीत आतापर्यंत 3 पैकी फक्त 1 सामनाच जिंकता आला आहे. तर 2 सामन्यात नेदरलँड्सचा पराभव झाला आहे. नेदरलँड्सने नामिबियावर मात करत एकमेव विजय मिळवलाय. तर यूएसए आणि पाकिस्तानने नेदरलँड्सचा पराभव केला आहे.

टीम इंडियाने आतापर्यंत साखळी फेरीतील तिन्ही सामने जिंकले आहेत. भारतीय संघाने यूएसए, नामिबिया आणि पाकिस्तानला पराभूत केलं आहे. भारताने पाकिस्तानला पराभूत करत सुपर 8 फेरीत धडक दिलीय. त्यामुळे टीम इंडियाने नेदरलँड्स विरुद्ध विजयी चौकार लगावण्याची संधी आहे.

टीम इंडियाचा हा आंतरराष्ट्रीय क्रिकेटमधील पाचवा सामना आहे. टीम इंडियाने नेदरलँड्स विरुद्ध खेळल्या चारही सामन्यात विजय मिळवला आहे. त्यामुळे नेदरलँड्स या सामन्यात कशी कामगिरी करते हे पाहणं महत्त्वाचं ठरणार आहे.

टीम इंडिया विरुद्ध नेदरलँड्स सामन्याला संध्याकाळी 7 वाजता सुरुवात होणार आहे. तर 6 वाजून 30 मिनिटांनी टॉस होणार आहे. हा सामना अहमदाबादमधील नरेंद्र मोदी स्टेडियममध्ये खेळवण्यात येणार आहे.

स्कॉट एडवर्ड्स (कर्णधार आणि विकेटकीपर) मायकेल लेविट, मॅक्स ओ’डॉड,बास डी लीडे, कॉलिन अकरमन, झॅक लायन-कॅशेट, रोलोफ व्हॅन डर मर्वे, लोगान व्हॅन बीक, आर्यन दत्त,
काइल क्लेन, फ्रेड क्लासेन, नोहा क्रोस, साकिब झुल्फिकार, पॉल व्हॅन मीकरेन, टीम व्हॅन आणि डर गुगटेन.

सूर्यकुमार यादव (कर्णधार), इशान किशन (विकेटकीपर), अभिषेक शर्मा, तिलक वर्मा, हार्दिक पंड्या, शिवम दुबे, रिंकू सिंग, अक्षर पटेल, कुलदीप यादव, वरुण चक्रवर्ती, जसप्रीत बुमराह, संजू सॅमसन, मोहम्मद सिराज, वॉशिंग्टन सुंदर आणि अर्शदीप सिंग.

भारत विरुद्ध नेदरलँड्स दोन्ही संघ आपल्या साखळी फेरीतील चौथ्या आणि अंतिम सामन्यात आमनेसामने आहेत. टीम इंडिया सूर्यकुमार याच्या नेतृत्वात अजिंक्य आहेत. तर नेदरलँड्स भारताला पराभूत करुन मोहिमेतील दुसरा विजय मिळवण्यासाठी मैदानात उतरणार आहे.