IPL 2021 च्या लीग सामन्यांनंतर ऑरेंज कॅप केएल राहुलकडे, अशी आहे संपूर्ण यादी
आयपीएल 2021 मधील लीग राऊंड्सच्या समाप्तीनंतर सध्या ऑरेंज कॅप केएल राहुलकडे आहे. पण ही आकडेवारी उर्वरीत सामन्यात बदलण्याची दाट शक्यता आहे.
आयपीएल 2021 मधील लीग राउंड अखेर समाप्त झाले आहेत. तब्बल 56 सामन्यानंतर आता प्लेऑफमधील चार संघ आपल्यासमोर आहेत. दरम्यान या सर्वानंतर आता सर्वाधिक धावा करणाऱ्या खेळाडूला मिळणाऱ्या ऑरेंंज कॅपची स्थितीही स्पष्ट झाली आहे. यामध्ये पंजाबता कर्णधार के एल राहुल टॉपवर आहे. पण राहुलचा संघ प्लेऑफमध्ये नसल्याने ही स्थितीत बदलू शकते.
सध्या ऑरेंज कॅप असणाऱ्या राहुलने 13 सामन्यात 62.60 च्या सरासरीसह 138.80 च्या स्ट्राइक रेटने 626 धावा केल्या आहेत. त्याने सर्वाधिक अर्धशतकंही (6) ठोकली आहेत.
या यादीत दुसऱ्या क्रमांकावर चेन्नई सुपर किंग्सचा सलामीवीर फाफ डु प्लेसी आहे. त्याने 14 सामन्यात 45.50 च्या सरासरीने 137.5 ची स्ट्राइक रेट ठेवत 546 रन्स केले आहेत.
यादीत तिसऱ्या स्थानी गब्बर अर्थात दिल्ली कॅपिटल्सचा शिखर धवन विराजमान आहे. त्याने 14 सामन्यात 544 रन्स बनवले असून यावेळी त्याची सरासरीने 41.84 आणि स्ट्राइक रेट 128.00 इतका होता.
लीग राउंडमध्ये सर्वाधिक धावा बनवण्यात चेन्नईचा युवा फलंदाज ऋतुराज गायकवाड चौथ्या स्थानी आहे. त्याने 14 सामन्यात 533 धावा केल्या आहेत.
तर या यादीत पाचवं नाव आरसीबीचा स्टार खेळाडू ग्लेन मॅक्सेवेलचं आहे. त्यानेही 14 सामने खेळत 498 धावा केल्या आहेत. दरम्यान केएल राहुल सो़डता इतर चारही खेळाडूंचा संघ प्लेऑफमध्ये गेला असल्याने या यादीत बदल होण्याची दाट शक्यता आहे.