IPL 2022 Who is RCB Suyash Prabhudessai: पहिल्याच सामन्यात गोव्याच्या मुलाने मन जिंकलं, कोण आहे सुयश प्रभुदेसाई?
IPL 2022 Who is RCB Suyash Prabhudessai: यंदाच्या आयपीएलमध्ये अनेक नवीन प्रतिभावान खेळाडू पहायला मिळत आहेत. फलंदाजी, गोलंदाजीने ते लक्षवेधी कामगिरी करत आहेत.
मुंबई: यंदाच्या आयपीएलमध्ये अनेक नवीन प्रतिभावान खेळाडू पहायला मिळत आहेत. फलंदाजी, गोलंदाजीने ते लक्षवेधी कामगिरी करत आहेत. आज रॉयल चॅलेंजर्स बँगलोर आणि चेन्नई सुपर किंग्सच्या (RCB vs CSK) सामन्यात अशाच एका खेळाडूने लक्षवेधी कामगिरी केली. पदार्पणातच रॉयल चॅलेंजर्स बँगलोरच्या एका खेळाडूने लक्ष वेधून घेतलं. हर्षल पटेलच्या (Harshal Patel) जागी त्याचा संघात समावेश करण्यात आला होता. हर्षल पटेलच्या बहिणीचे निधन झाल्याने तो आपल्या घरी गेला आहे. त्यामुळे हर्षलच्या जागी सुयश प्रभुदेसाईचा (Suyash Prabhudessai) आज संघात समावेश करण्यात आला. 24 वर्षाच्या सुयशने आज RCB कडून आयपीएलमध्ये डेब्यु केला. सुयश प्रभूदेसाई गोव्याकडून खेळतो. आज पहिल्याच सामन्यात सुयशने दर्जेदार क्षेत्ररक्षणाचा नमुना दाखवला. सुयशने धोकादायक रॉबिन उथाप्पा आणि मोइन अलीची जोडी जमण्याआधीच फोडली.
एकाहातानेच दिनेश कार्तिककडे थ्रो
सातव्या षटकात ग्लेन मॅक्सवेल गोलंदाजी करत होता. मॅक्सवेलचा ऑफ स्टंम्पवरील चेंडू मोइन अलीने कट केला. रॉबिन उथाप्पाने धाव घेण्यासाठी कॉल दिला. पण नंतर माघार घेतली. त्याचवेळी बॅकवर्ड पॉईंटला उभ्या असलेल्या सुयशने चपळाईने चेंडू पकडला व एकाहातानेच दिनेश कार्तिककडे थ्रो केला. कार्तिकने तितक्याच चपळाईने मोइन अली क्रीझमध्ये पोहोचण्याआधीच रनआऊट केलं. मोइन अलीने आठ चेंडूत तीन धावा केल्या.
चेन्नईच्या गोलंदाजांना फटकावलं
गोव्यासाठी खेळणाऱ्या सुयश प्रभुसदेसाईला RCB ने अवघ्या 30 लाख रुपयांमध्ये विकत घेतलं आहे. आरसीबीच्या सराव सामन्यातच त्याने आपली क्षमता दाखवून दिली होती. या मॅचमध्ये त्याने 46 चेंडूत 87 धावा फटकावल्या होत्या. मोठे फटके खेळण्याची क्षमता असल्यामुळेच आजच्या सामन्यात त्याला संधी दिली. सुयश प्रभुदेसाईने आज चेन्नई सुपर किंग्स विरुद्ध 18 चेंडूत 34 धावांची वेगवान खेळी केली. यामध्ये त्याने पाच चौकार आणि एक षटकार लगावला.
CSK gone #RCBvsCSK pic.twitter.com/zA6URiUzYy
— Big Cric Fan (@cric_big_fan) April 12, 2022
असा आहे फर्स्ट क्लासचा रेकॉर्ड
सुयश आतापर्यंत 19 फर्स्ट क्लास सामन्यांसह 34 लिस्ट ए चे सामने खेळला आहे. फर्स्ट क्लासमध्ये त्याने 1158 धावा केल्या आहेत. यात एक शतक आणि आठ अर्धशतकाचा समावेश आहे. 22 टी 20 सामन्यात त्याने 31.64 च्या सरासरीने 443 धावा केल्या आहेत. फर्स्ट क्लासमध्ये त्याने आठ विकेट घेतल्या आहेत.
