MI vs GT : सूर्यकुमारच्या शतकी खेळीच्या जोरावर मुंबईचं गुजरातला ‘इतक्या’ धावांचं आव्हान

मुंबई : मुंबई इंडिअन्स आणि गुजरात टायटन्स यांच्यातील सामन्यामध्ये पलटणने 20 ओव्हरमध्ये 218-4  धावा केल्या आहेत. गुजरातला जिंकण्यासाठी 219 धावांचां लक्ष्य असणार आहे. वानखेडे मैदानावर आज सूर्याकुमारचं वादळ आलं होतं. सूर्याने 49 चेंडूत नाबाद 103 धावा केल्या. त्याने 11 चौकार आणि 6 षटकार मारले. त्यासोबतच ईशान किशन 30 आणि रोहित शर्माने 29 धावा केल्या. गुजरातच्या राशिद खानने सर्वाधिक 4 विकेट्स घेतल्या.

मुंबईची  बॅटींग-

मुंबई इंडियन्सकडून रोहित शर्मा आणि ईशान किशन सलामीला आले होते. रोहित शर्मा आणि ईशान किशन यांनी दमदार सुरूवात केली होती.महत्त्वाचं म्हणजे कर्णधार रोहित शर्माने जुन्या फॉर्ममध्ये परतलेला दिसला.  6 ओव्हरमध्ये दोघांनी 61 धावा करत संघाला चांगली सुरूवात करून दिली  होती. मात्र राशिद खानने सातव्या ओव्हरमध्ये रोहित शर्मा आणि ईशानला माघारी पाठवत कमबॅक केलं.

दोघे आऊट झाल्यावर मैदानात सूर्यकुमार आणि नेहल वढेरा यांनी डाव सावरला. पण परत एकदा राशिदने तिसरी विकेट घेत वढेराला आऊट केलं. युवा विष्णू विनोद 30 धावा करत सूर्याला चांगली साथ दिली. सूर्याने शेवटपर्यंत मैदानावर टिकून राहत संघाला 200 धावांचा पल्ला ओलांडून दिला. सूर्या 97 धावांवर होता तेव्हा 1 बॉल राहिलेला होता  यावेळी भिडूने सिक्सर मारत आपलं पहिलं शतक ठोकलं.

गुजरात टायटन्स (प्लेइंग इलेव्हन): रिद्धिमान साहा, विजय शंकर, हार्दिक पांड्या (C), डेव्हिड मिलर, राहुल तेवतिया, अभिनव मनोहर, मोहित शर्मा, राशिद खान, मोहम्मद शमी, अल्झारी जोसेफ, नूर अहमद

मुंबई इंडियन्स (प्लेइंग इलेव्हन): इशान किशन (W), रोहित शर्मा (C), कॅमेरॉन ग्रीन, सूर्यकुमार यादव, नेहल वढेरा, टिम डेव्हिड, ख्रिस जॉर्डन, विष्णू विनोद, पीयूष चावला, जेसन बेहरेनडॉर्फ, कुमार कार्तिकेय