DC vs GT : येडा रे येडा, मिलरच्या चुकीमुळे दिल्लीने जिंकलेला सामना गमावला, गुजरातचा 1 रनने सनसनाटी विजय
Delhi Capitals vs Gujarat Titans IPL 2026 Match Result : डेव्हीड मिलर स्ट्राईकवर असल्याने तो 1 चेंडूत 2 धावा करुन दिल्लीला जिंकवेल असा विश्वास चाहत्यांना होता. मात्र प्रसिध कृष्णाने हुशारीने बॉल टाकला. त्यानंतर जोस बटलर याने हुशारीने कुलदीप यादव याला रन आऊट केलं. गुजरातने अशाप्रकारे हा सामना 1 धावेने आपल्या नावावर केला.
आयपीएल स्पर्धेच्या 19 व्या मोसमातील (IPL 2026) 14 व्या सामन्याचा विजेता संघ शेवटच्या चेंडूवर ठरला आहे. गुजरात टायटन्सने अरुण जेटली स्टेडियममध्ये दिल्ली कॅपिट्ल्सवर 1 रनने सनसनाटी विजय मिळवला आहे. गुजरातने यासह विजयाचं खात उघडत दिल्लीला सलग तिसरा सामना जिंकण्यापासून रोखलं. गुजरातने दिल्लीसमोर 211 धावांचं आव्हान ठेवलं होतं. दिल्लीने या धावांचा अप्रतिम पाठलाग केला. त्यामुळे दिल्लीला शेवटच्या ओव्हरमध्ये 13 धावांची गरज होती. तर शेवटच्या चेंडूवर 2 धावा हव्या होत्या. मात्र प्रसिध कृष्णा याने हुशारीने बॉल टाकला. डेव्हीड मिलर याने या शेवटच्या चेंडूवर बॉल हुकल्यानंतर चोरटी धाव घेण्याचा प्रयत्न केला. मात्र गुजरातचा विकेटकीपर जोस बटलर याने स्ट्राईकवर हुशारीने कुलदीप यादव याला रन आऊट केलं. यासह गुजरातने 1 रनने सनसनाटी विजय मिळवला. त्याआधी 20 व्या ओव्हरमधील पाचव्या बॉलवर मिलरने 1 धाव घेण्यासह नकार दिला. मिलरने ती 1 धाव घेतली असती तर किमान सामना बरोबरीत सुटला असता. मात्र मिलरचा एकेरी धाव न घेण्याचा निर्णय चुकीचा ठरला. परिणामी दिल्लीला 1 धावेने सामना गमवावा लागला. दिल्लीने अशाप्रकारे 20 ओव्हरमध्ये 9 विकेट्स गमावून 209 धावा केल्या.
