KKR vs LSG : लखनौच्या सनसनाटी विजयानंतर संजीव गोयंका यांनी मुकुल चौधरीसोबत भर मैदानात काय केलं? पाहा व्हीडिओ
KKR vs LSG Mukul Choudhary and Sanjeev Goenka : युवा फलंदाज मुकुल चौधरी हा लखनौच्या विजयाचा हिरो ठरला. मुकुलने केकेआर विरुद्ध विजय मिळवून देण्यात प्रमुख भूमिका बजावली. लखनौच्या विजयानंतर संघमालक संजीव गोयंका यांनी मुकुलसोबत काय केलं? जाणून घ्या.
आयपीएल स्पर्धेच्या 19 व्या मोसमात (IPL 2026) सलग दुसऱ्या सामन्याचा निकाल हा शेवटच्या चेंडूवर लागला आहे. गुरुवारी 8 एप्रिलला गुजरात टायटन्सने दिल्ली कॅपिट्ल्सवर 1 धावेने विजय मिळवला. त्यानंतर आज 9 एप्रिलला लखनौ सुपर जायंट्सने कोलकाता नाईट रायडर्सवर शेवटच्या चेंडूवर मात करत सामना जिंकला. अनकॅप्ड मुकुल चौधरी हा लखनौच्या विजयाचा हिरो ठरला. लखनौला शेवटच्या 2 ओव्हरमध्ये 30 तर शेवटच्या बॉलवर 1 रनची गरज होती. तेव्हा मुकुलने आवेश खान याच्या सोबतीने 1 धाव काढत लखनौला विजयी केलं. लखनौचा हा 19 व्या मोसमातील एकूण आणि सलग दुसरा विजय ठरला. लखनौच्या या विजयानंतर संघमालक संजीव गोयंका यांनी स्टेडियममध्ये आनंद साजरा केला. त्यानंतर गोयंकांनी मैदानात येऊन मुकुलचं कौतुक केलं.
संजीव गोयंका प्रत्येक सामन्याला हजेरी लावतात. तसेच सामन्यावर आणि खेळाडूंवर त्यांची बारीक नजर असते. गोयंकांची तशीच नजर ही केकेआर विरुद्ध लखनौ सामन्याच्या निकालाकडे होती. सामना रंगतदार स्थितीत असल्याने कोण जिंकणार याची उत्सूकता क्रिकेट चाहत्यांना होती. अनकॅप्ड मुकुल चौधरी मैदानात असल्याने चाहत्यांना लखनौ जिंकेल अशी काही आशा नव्हती. मात्र मुकुलने सर्वांचा अंदाज खोटा ठरवला आणि लखनौला विजयी केलं. लखनौच्या विजयानंतर गोयंकांनी देवाचे आभार मानले. त्यानंतर गोयंका मैदानात आले. गोयंका मुकुलला भेटले आणि त्याचं अभिनंदन केलं. गोयंकांनी मुकुलच्या चेहऱ्यावर हात फिरवला. गोयंका यांचा हा व्हीडिओ सोशल मीडियावर व्हायरल झाला आहे.
सामन्यात काय झालं?
केकेआरने लखनौसमोर 182 धावांचं आव्हान ठेवलं होतं. लखनौने अब्दुल समद याच्या रुपात पाचवी विकेट गमावली. त्यामुळे लखनौची स्थिती 12.5 ओव्हरमध्ये 5 आऊट 104 अशी झाली. लखनौला विजयासाठी 43 चेंडूत 78 धावांची गरज असताना मुकुल मैदानात सातव्या स्थानी उतरला. तिथून मुकलने एकट्याच्या जोरावर सामना फिरवला आणि लखनौला सलग दुसरा सामना जिंकून देण्यात प्रमुख भूमिका बजावली.
मुकुलची विजयी खेळी, संजीव गोयंका आंनदी
👏 **Sanjeev Goenka appreciating Mukul Choudhary pic.twitter.com/1bV1oO2aZ4
— Rushikesh Vadolkar (@RVadolkar) April 9, 2026
मुकुलने 27 बॉलमध्ये नॉट आऊट 54 रन्स केल्या. मुकुलने या खेळीत 7 षटकार आणि 2 चौकार खेचले. मुकुलने 200 च्या स्ट्राईक रेटने ही खेळी केली. तसेच मुकुल व्यतिरिक्त आयुष बदोनी याने 34 बॉलमध्ये 54 रन्स केल्या. त्या व्यतिरिक्त एडन मार्करम याने 22, मिचेल मार्श 15, निकोलस पूरन 13 आणि कॅप्टन ऋषभ पंत याने 10 धावांचं योगदान दिलं.
