IPL Points Table 2024 : आरसीबी हरली पण झटका बसला राजस्थानला, केकेआरची पॉईंट टेबलमध्ये मोठी झेप

आयपीएल 2024 मधील शुक्रवारी झालेल्या दहावा सामना आरसीबी आणि केकेआरमध्ये झाला. हा सामना बंगळुरूमधील चिन्नास्वामी स्टेडियमध्य पार पडला. या सामन्यामध्ये आरसीबी संघावर केकेआरने सात  विकेटने विजय मिळवला. हा सामना आरसीबीच्या होम ग्राऊंडवर होता, आतापर्यंतचे रेकॉर्ड पाहिले तर सलग नऊ सामने घरच्या मैदानावर खेळणाऱ्या संघाने जिंकले होते. आजच्या सामन्यात हा रेकॉर्ड मोडला गेला. आररसीबी संघाला पराभूत करत केकेआरने आपला सलग दुसरा विजय मिळवला आहे.  या विजयासह केकेआरने पॉईंट टेबलमध्ये मोठी झेप घेतली आहे.

आजच्या सामन्यात सलग दुसरा विजय मिळवत केकेआर संघाचे 4 गुण झाले आहेत. त्यासोबतच नेट रनरेटमध्येही चांगली सुधारणा झाली आहे. या विजयामुळे +1.047 नेट रनरेटसह दुसऱ्या स्थानी झेप घेतली आहे. मात्र याचा तोटा राजस्थान संघाला झाला आहे. कारण केकेआरने मिळवलेल्या विजयामुळे त्यांनी दुसऱ्या स्थानी झेप घेतली आणि राजस्थानचा संघ तिसऱ्या स्थानावर गेला आहे.

आत पॉईंट टेबलमध्ये सीएसके एक नंबरला गेला आहे पण केकेआर आणि राजस्थान यांचेही ४ गुण झाले आहेत. त्यामुळे सर्व संघाना विजयासह नेट रनरेटवरही लक्ष ठेवावं लागणार आहे. कारण जेव्हा स्पर्धा अंतिम टप्प्यात जाते तेव्हा रन रेटच्या आधारावर क्लालिफाई होण्यासाठी मदत होते. त्यामुळे प्रत्येक संघाला सामना मोठ्या फरकाने हरून चालणार नाही.

केकेआर आणि आरसीबी सामन्याचा धावता आढावा

आरसीबीने प्रथम फलंदाजी करताना 182-6 धावा केल्या होत्या. यामध्ये विराट कोहली याने 83 धावांची अर्धशतकी खेळी केली. या आव्हानाचा पाठलाग करताना केकेआरकडून सुनील नारायण 47 आणि व्यंकटेश अय्यर 50 धावा करत सामना जिंकवला.

कोलकाता नाइट रायडर्स (प्लेइंग इलेव्हन): फिलिप सॉल्ट (विकेटकीपर), व्यंकटेश अय्यर, श्रेयस अय्यर (कर्णधार), रमणदीप सिंग, रिंकू सिंग, आंद्रे रसेल, सुनील नरेन, मिचेल स्टार्क, अनुकुल रॉय, हर्षित राणा, वरुण चक्रवर्ती.

रॉयल चॅलेंजर्स बेंगळुरू (प्लेइंग इलेव्हन): विराट कोहली, फाफ डू प्लेसिस (कर्णधार), कॅमेरॉन ग्रीन, रजत पाटीदार, ग्लेन मॅक्सवेल, अनुज रावत (विकेटकीपर), दिनेश कार्तिक, अल्झारी जोसेफ, मयंक डागर, मोहम्मद सिराज, यश दयाल