KKR vs SRH Live Streaming : कोलकाता-हैदराबाद दुसऱ्या सामन्यासाठी सज्ज, कोण उघडणार विजयाचं खातं?
Kolkata Knight Riders vs Sunrisers Hyderabad IPL 2026 Live Scorecard : कोलकाता आणि हैदराबाद दोन्ही संघ विजयी सलामी देण्यात अपयशी ठरले. त्यानंतर आता गुरुवारी दोन्ही संघ एकमेकांविरुद्ध भिडणार आहेत.
आयपीएल स्पर्धेच्या 19 व्या हंगामातील दुसऱ्या फेरीला गुरुवार 2 एप्रिलपासून सुरुवात होत आहे. या दुसऱ्या फेरीतील पहिल्या आणि 19 व्या मोसमातील सहाव्या सामन्यात कोलकाता नाईट रायडर्स विरुद्ध सनरायजर्स हैदराबाद आमनेसामने असणार आहेत. दोन्ही संघांचा हा या मोसमातील दुसरा सामना असणार आहे. इशान किशन हैदराबादचं तर अजिंक्य रहाणे केकेआरचं नेतृत्व करणार आहे. दोन्ही संघांनी आपला सलामीचा सामना गमावला आहे. त्यामुळे गुरुवारी दोन्ही संघापैकी कोण आपलं विजयाचं खातं उघडणार? हे स्पष्ट होईल. या निमित्ताने केकेआर विरुद्ध एसआरएच सामन्याबाबत जाणून घेऊयात.
कोलकाता नाईट रायडर्स विरुद्ध सनरायजर्स हैदराबाद सामना कधी?
कोलकाता नाईट रायडर्स विरुद्ध सनरायजर्स हैदराबाद सामना गुरुवारी 2 एप्रिलला खेळवण्यात येणार आहे.
कोलकाता नाईट रायडर्स विरुद्ध सनरायजर्स हैदराबाद सामना कुठे?
कोलकाता नाईट रायडर्स विरुद्ध सनरायजर्स हैदराबाद सामना इडन गार्डन्समध्ये आयोजित करण्यात आला आहे.
कोलकाता नाईट रायडर्स विरुद्ध सनरायजर्स हैदराबाद सामन्याला किती वाजता सुरुवात होणार?
कोलकाता नाईट रायडर्स विरुद्ध सनरायजर्स हैदराबाद सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.
कोलकाता नाईट रायडर्स विरुद्ध सनरायजर्स हैदराबाद सामना टीव्हीवर कुठे पाहायला मिळेल?
कोलकाता नाईट रायडर्स विरुद्ध सनरायजर्स हैदराबाद सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
कोलकाता नाईट रायडर्स विरुद्ध सनरायजर्स हैदराबाद सामना मोबाईलवर कुठे पाहायला मिळेल?
कोलकाता नाईट रायडर्स विरुद्ध सनरायजर्स हैदराबाद सामना मोबाईलवर जिओ हॉटस्टार एपद्वारे लाईव्ह पाहायला मिळेल.
हैदराबादला 28 मार्चला मोसमातील पहिल्या सामन्यात गतविजेत्या आरसीबीकडून 8 विकेट्सने पराभूत व्हावं लागलेलं. तर मुंबई इंडियन्सने रविवारी 29 मार्चला कोलकाता नाईट रायडर्सला पराभूत करुन तब्बल 14 वर्षांनंतर मोहिमेत विजयी सुरुवात केली होती. अशाप्रकारे हैदराबाद आणि केकेआरला आपला पहिला सामना गमावला. त्यामुळे आता दोघांपैकी कोणता संघ जिंकणार आणि कुणाला सलग दुसऱ्या पराभवाचा सामना करावा लागणार? हे निकालानंतरच स्पष्ट होईल.
