SL vs IND: गोलंदाजांवर ‘गंभीर’ इफेक्ट, रिंकू-सूर्यकुमार जोडीने बॉलिंगने मॅच जिंकवली
Gautam Gambhir SL vs IND 3rd T20i: सूर्यकुमार यादव आणि रिंकू सिंह या दोघांनी श्रीलंके विरुद्धच्या तिसऱ्या आणि शेवटच्या टी20i सामन्यात आपल्या बॉलिंगची धार दाखवून दिली.
टीम इंडियाने सूर्यकुमार यादव याच्या नेतृत्वात श्रीलंकेविरुद्ध टी 20 मालिकेत 3-0 अशा एकतर्फी फरकाने विजय मिळवला. सूर्यकुमार यादव-गौतम गंभीर या दोघांनी कर्णधार आणि मुख्य प्रशिक्षक म्हणून पहिल्याच आंतरराष्ट्रीय मालिकेत भारताला जिंकवून नव्या प्रवासाची शानदार सुरुवात केली. गौतम गंभीरने मेंटॉर म्हणून आयपीएलमध्ये केलेले प्रयोग यशस्वी ठरले. त्यानंतर गंभीरला टीम इंडियाच्या प्रशिक्षकपदाची धुरा हाती घेतल्यानंतर केलेल्या प्रयोगातही यश मिळालं आहे. सूर्यकुमार-रिंकू या दोघांनी लंकेविरुद्धच्या तिसऱ्या टी20i सामन्यात चक्क बॉलिंगच्या जोरावर विजयी केलं. रिंकू-सूर्या या जोडीने शेवटच्या 2 ओव्हरमध्ये 8 धावा देऊन 4 विकेट्स घेत गमावलेला सामना बरोबरीत सोडवण्यात यश मिळवलं. त्यानंतर टीम इंडियाने हा सामना सुपर ओव्हरमध्ये जिंकला. त्यानंतर गौतम गंभीरची सोशल मीडियावर एकच चर्चा पाहायला मिळत आहे.
टीम इंडियाने तिसऱ्या आणि शेवटच्या सामन्यात सुवर ओव्हरमध्ये शानदार विजय मिळवला. टीम इंडियाने 137 धावा केल्या. श्रीलंकेला प्रत्युत्तरात 8 विकेट्स गमावून 137 धावाच करता आल्या. श्रीलंकेच्या डावातील 19 वी ओव्हर रिंकूने टाकली. रिंकूने 3 धावा देत 2 विकेट्स घेतल्या. तर सूर्यकुमारने 20 वी ओव्हर टाकली. सूर्याने या ओव्हरमध्ये 5 धावा देत 2 विकेट्स घेतल्या.
रिंकू आणि सूर्या दोघांच्या बॉलिंगनंतर गौतम गंभीरसाठी सोशल मीडियावर मिम्स व्हायरल झाले आहेत. नेटकऱ्यांनी गंभीरचं तोंडभरून कौतुक केलं आहे. श्रीलंका विजयाच्या उंबरठ्यावर होती. भारताच्या विजयाची शक्यता ही फक्त 1 टक्का इतकीच होती. मात्र या जोडीने केलेल्या चिवट बॉलिंगमुळे सामना बरोबरीत सुटला. त्यानंतर भारताने सुपर ओव्हरमध्ये विजय मिळवला.
गौतम गंभीर आर्टिस्ट, सोशल मीडियावर मीम्स व्हायरल
टीम इंडिया प्लेइंग ईलेव्हन : सूर्यकुमार यादव (कॅप्टन), यशस्वी जयस्वाल, शुबमन गिल, संजू सॅमसन (विकेटकीपर), शिवम दुबे, रियान पराग, रिंकू सिंग, वॉशिंग्टन सुंदर, रवी बिश्नोई, मोहम्मद सिराज आणि खलील अहमद.
श्रीलंका प्लेइंग ईलेव्हन : चरित असलंका (कॅप्टन), पाथुम निसांका, कुसल मेंडिस (विकेटकीपर), कुसल परेरा, कामिंदू मेंडिस, चामिंडू विक्रमसिंघे, वानिंदू हसरंगा, रमेश मेंडिस, महीश तीक्षाना, मथीशा पाथिराना आणि असिथा फर्नांडो.
