RR vs CSK : राजस्थानने टॉस जिंकला, चेन्नईची बॅटिंग, संजू सॅमसन ‘ओपनिंग’साठी सज्ज
Rajasthan Royals vs Chennai Super Kings Toss : चेन्नई सुपर किंग्सची गेल्या मोसमात सुमार कामगिरी राहिली होती. त्यामुळे यंदा सीएसकेचा 19 व्या हंगामात विजयाने सुरुवात करण्याचा प्रयत्न असणार आहे.
आयपीएल स्पर्धेच्या 19 व्या हंगामातील (IPL 2026) तिसऱ्या सामन्यात राजस्थान रॉयल्स विरुद्ध चेन्नई सुपर किंग्स दोन्ही संघ आमनेसामने आहेत. दोन्ही संघांचा हा या मोहिमेतील पहिला सामना आहे. उभयसंघातील हा सामना राजस्थानच्या होम ग्राउंडमध्ये आयोजित करण्यात आला आहे. हा सामना गुवाहाटातील बारसपारा क्रिकेट स्टेडियमध्ये होणार आहे. सामन्यातील पहिला बॉल संध्याकाळी 7 वाजून 30 मिनिटांनी टाकण्यात येणार आहे. त्याआधी 7 वाजता टॉस झाला. राजस्थानच्या बाजूने नाणेफेकीचा कौल लागला. कॅप्टन रियान पराग याने फिल्डिंगचा निर्णय घेत चेन्नईला बॅटिंगसाठी भाग पाडलंय.
संजू सॅमसनचं पदार्पण
संजू सॅमसन याने या सामन्यातून चेन्नई सुपर किंग्सकडून पदार्पण केलं आहे. विशेष म्हणजे संजूने त्याच्या माजी संघाविरुद्ध पदार्पण चेन्नईसाठी पदार्पण केलंय. संजू कॅप्टन ऋतुराज गायकवाड याच्यासह ओपनिंग करणार आहे. तसेच संजू महेंद्रसिंह धोनी याच्या अनुपस्थितीत सीएसकेसाठी विकेटकीपर म्हणून जबाबदारी पार पाडणार आहे. संजूने नुकत्यात झालेल्या आयसीसी टी 20i वर्ल्ड कप 2026 स्पर्धेत धमाकेदार कामगिरी केली होती. संजूने भारताला वर्ल्ड कप जिंकून देण्यात प्रमुख योगदान दिलं होतं. संजूला त्याच्या या कामगिरीसाठी मॅन ऑफ द टुर्नामेंट पुरस्काराने गौरवण्यात आलं होतं. त्यामुळे आता आंतरराष्ट्रीय क्रिकेटनंतर संजू आयपीएलमध्ये कशी कामगिरी सुरुवात करतो हे पाहणं महत्त्वाचं ठरणार आहे.
दोन्ही संघ तुल्यबळ, कुणी किती सामने जिंकलेत?
राजस्थान रॉयल्स विरुद्ध चेन्नई सुपर किंग्स यांच्यातील हा एकूण 32 वा सामना आहे. आतापर्यंत उभयसंघात एकूण 31 टी 20 सामने खेळवण्यात आले आहेत. सीएसकेने या 31 पैकी 16 सामने जिंकले आहेत. राजस्थान रॉयल्सने 15 सामन्यांमध्ये विजय मिळवला आहे. त्यामुळे आता राजस्थान या मोसमात विजयी सुरुवात करत चेन्नई विरुद्ध 16-16 अशी बरोबरी करण्यात यशस्वी ठरणार का? हे पाहणं महत्त्वाचं ठरणार आहे.
राजस्थान टॉसचा बॉस
🚨 Toss 🚨@rajasthanroyals have won the toss and will field first in Guwahati!
Updates ▶️ https://t.co/UzbuFk5G26#TATAIPL | #KhelBindaas | #RRvCSK pic.twitter.com/1o0WJiz5aK
— IndianPremierLeague (@IPL) March 30, 2026
चेन्नई सुपर किंग्स प्लेइंग ईलेव्हन : संजू सॅमसन (विकेटकीपर), ऋतुराज गायकवाड (कर्णधार), आयुष म्हात्रे, मॅथ्यू शॉर्ट, शिवम दुबे, कार्तिक शर्मा, जेमी ओव्हरटन, नूर अहमद, मॅट हेन्री, अंशुल कंबोज आणि खलील अहमद.
राजस्थान रॉयल्स प्लेइंग ईलेव्हन : यशस्वी जैस्वाल, वैभव सूर्यवंशी, रियान पराग (कॅप्टन), ध्रुव जुरेल (विकेटकीपर), शिमरॉन हेटमायर, रवींद्र जडेजा, जोफ्रा आर्चर, नांद्रे बर्गर, संदीप शर्मा, रवी बिश्नोई आणि ब्रिजेश शर्मा.
