सानिया मिर्झाच्या नवऱ्यावरुन पाकिस्तान क्रिकेटमध्ये जोरदार पॉलिटिक्स, थेट बाबर आजमवर आरोप
पाकिस्तानने काल T20 वर्ल्ड कपसाठी टीम निवडली. पण या टीममध्ये शोएब मलिकची निवड झालेली नाही. त्यावरुन पाकिस्तान क्रिकेटमध्ये गदारोळ सुरु आहे.
मुंबई: पाकिस्तानने काल T20 वर्ल्ड कपसाठी टीम निवडली. पण या टीममध्ये शोएब मलिकची निवड झालेली नाही. त्यावरुन पाकिस्तान क्रिकेटमध्ये गदारोळ सुरु आहे. फॅन्स आणि माजी क्रिकेटर्सची दोन भागांमध्ये विभागणी झालीय. शोएब मलिक टीममध्ये हवा होता, असं पाकिस्तानचा माजी कॅप्टन शाहिद आफ्रिदीने म्हटलं आहे. शोएब मलिक टीममध्ये असता, तर बाबर आजमला सपोर्ट मिळाला असता.
या दरम्यान एक प्रश्न निर्माण झालाय. शोएब मलिकवर त्याच टि्वट तर भारी पडलं नाही ना? आशिया कपच्या फायनलमध्ये पाकिस्तानी टीमच्या पराभवानंतर त्याने हे टि्वट केलं होतं.
बाबर आजमवर उपस्थित केलं होतं प्रश्नचिन्ह
आशिया कपच्या फायनलमध्ये श्रीलंकेने पाकिस्तानचा 23 धावांनी पराभव केला. पराभवानंतर शोएब मलिकने टि्वटकरुन बाबर आमजवर निशाणा साधला होता. ‘आपण मैत्री, आवडता-नावडता या संस्कृतीमधून कधी बाहेर येणार?’ असा सवाल शोएबने विचारला होता. प्लेइंग इलेव्हन निवडताना बाबर आमजने मैत्रीला पहिलं प्राधान्य दिलं, असा फायनल हरल्यानंतर बाबर आजमवर आरोप झाला होता.
शोएब मलिकला असं टि्वट करण्याजी गरज नव्हती, असं माजी कर्णधार शाहीद आफ्रिदीने म्हटलं आहे. त्याने थोडी प्रतिक्षा केली पाहिजे होती, असं आफ्रिदी म्हणाला. टी 20 वर्ल्ड कपसाठी टीमची घोषणा होणं बाकी होतं. शोएब मलिकला टीममध्ये स्थान मिळालं पाहिजे होतं. त्याचा अधिकार होता. तो जगभरात क्रिकेट खेळला आहे. सर्वात जास्त फिट आणि अनुभवी आहे. तो खेळला किंवा बेंचवर बसला, तरी बाबर आजमला भरपूर सपोर्ट मिळाला असता, असं आफ्रिदी म्हणाला.
फखर झमन सुद्धा बाहेर
पाकिस्तानच्या टी 20 वर्ल्ड कप टीममधून फखर झमन आणि हसन अलीला ड्रॉप करण्यात आलय. वेगवान गोलंदाज शाहीन शाह आफ्रिदी आणि मोहम्मद वसीम ज्यूनियरने टीममध्ये पुनरागमन केलय. दुखापतीमुळे दोघे आशिया कप स्पर्धेत खेळू शकले नाहीत. शान मसूदला पाकिस्तानी टीममध्ये संधी मिळाली आहे. तो अजून एकही टी 20 आंतरराष्ट्रीय सामना खेळलेला नाही.
