NZ vs SA: शेवटच्या चेंडूवर 6 धावांची गरज, डेब्यू सामन्यात 20 वर्षीय खेळाडूने मिळवून दिला विजय Video
दक्षिण अफ्रिका आणि न्यूझीलंड महिला संघात वनडे मालिका सुरू आहे. या मालिकेत पहिल्या सामन्यात दक्षिण अफ्रिकेने विजय मिळवला. शेवटच्या चेंडूवर 6 धावांची गरज होती आणि षटकार मारला. यासह मालिकेत 1-0 ने आघाडी घेतली.
न्यूझीलंड आणि दक्षिण अफ्रिका महिला संघात पहिला वनडे सामना पार पडला. हा सामना दक्षिण अफ्रिकेने 2 गडी राखून जिंकला. नाणेफेकीचा कौल जिंकल्यानंतर दक्षिण अफ्रिकेने प्रथम गोलंदाजी करण्याचा निर्णय घेतला. न्यूझीलंडच्या वाटेला प्रथम फलंदाजी आली आणि 50 षटकात सर्व गडी गमवून 268 धावा केल्या. तसेच विजयासाठी 269 धावांचं आव्हान दिलं. हे आव्हान दक्षिण अफ्रिकेने शेवटच्या चेंडूवर पूर्ण केलं आणि सामना जिंकला. दक्षिण अफ्रिकेने 2 गडी राखून हा विजय मिळवला आहे. आठव्या क्रमांकावर फलंदाजीला आलेल्या 20 वर्षीय कायला रेनेकेनेचं या विजयात योगदान राहिलं. तिने पदार्पणाच्या सामन्यातच आपली क्षमता सिद्ध करून दाखवली आहे. तिने 32 चेंडूत 3 चौकार आणि 2 षटकार मारत नाबाद 42 धावा केल्या आणि संघाला विजय मिळवून दिला. चला जाणून घेऊयात शेवटच्या षटकात नेमकं काय झालं.
शेवटच्या षटकाचा थरार
दक्षिण अफ्रिकेला शेवटच्या षटकात म्हणजेच 6 चेंडूत 14 धावांची गरज होती. न्यूझीलंडकडून सुझी बेट्स गोलंदाजीसाठी आली. पहिल्या चेंडूचा सामना करण्यासाठी कायला रेनेकेने समोर होती. पहिल्या चेंडूवर तिने 1 धाव काढली आणि सेखुखुनेला स्ट्राईक दिली. तिनेही दुसऱ्या चेंडूवर 1 धाव घेतली आणि कायलाला स्ट्राईक दिली. आता 4 चेंडू आणि 12 धावांची गरज होती. कायलाने तिसऱ्या चेंडूवर उत्तुंग षटकार मारला. त्यामुळे 3 चेंडूत 6 धावा अशी स्थिती आहे. पण सुझी बेट्सने त्यानंतर सलग दोन चेंडू निर्धाव टाकले. त्यामुळे 1 चेंडू आणि 6 धावा अशी स्थिती आली. शेवटच्या चेंडूवर कायलाने षटकार मारला आणि सामना जिंकवून दिला. कायलाला या कामगिरीसाठी सामनावीराच्या पुरस्काराने गौरविण्यात आलं.
𝐊𝐀𝐘𝐋𝐀 𝐑𝐄𝐘𝐍𝐄𝐊𝐄, 𝐑𝐄𝐌𝐄𝐌𝐁𝐄𝐑 𝐓𝐇𝐄 𝐍𝐀𝐌𝐄. 🔥
Fourteen needed in the final over and she finishes it with a last-ball six to script a debut you cannot make up 🙇 #SonySportsNetwork #NZWvSAW pic.twitter.com/SD1SssfYJF
— Sony Sports Network (@SonySportsNetwk) March 29, 2026
कायला रेनेकेचा पदार्पणाचा सामना खास
कायला रेनेकेने पदार्पणाच्या सामन्यात षटकार मारून विजय मिळवून दिला. असं टी20 आणि वनडे क्रिकेटमधील पदार्पणात झालं आहे. 10 फेब्रुवारी रोजी टी20 पदार्पणाचा सामना पाकिस्तानविरुद्ध झाला होता. तेव्हाही शेवटच्या चेंडूवर षटकार मारून विजय मिळवून दिला होता. आता दक्षिण अफ्रिकेविरुद्ध वनडेमधील पदार्पणाच्या सामन्यात तसंच केलं. 48 दिवसात कायलाने संघाला असा विजय मिळवून दिला आहे.
