KKR vs SRH : सलामीच्या सामन्यातच उम्रान मलिकची कमाल, नावे केला गोलंदाजीचा जबरदस्त रेकॉर्ड, पाहा VIDEO

सनरायजर्स हैद्राबाद आणि कोलकाता नाईट रायडर्स यांच्यातील सामन्यात केकेआरने सहा गडी राखून हैद्राबाद संघाला मात दिली. पण या सामन्यात हैद्राबादच्या एका खेळाडूने मात्र सर्वांचच लक्ष वेधून घेतलं.

KKR vs SRH : सलामीच्या सामन्यातच उम्रान मलिकची कमाल, नावे केला गोलंदाजीचा जबरदस्त रेकॉर्ड, पाहा VIDEO
उम्रान मलिक

IPL 2021: इंडियन प्रिमीयर लीगच्या 14 व्या पर्वातील 49 वा सामना कोलकाता नाईट रायडर्स आणि सनराजर्स हैद्राबाद (SRH vs KKR) या संघामध्ये खेळवला गेला. सामन्यात हैद्राबाद संघाला 6 विकेट्सने पराभव स्वीकारावा लागला खरा पण या सामन्यात एक भारी गोष्ट हैद्राबाद संघासह भारतीय क्रिकेटच्या दृष्टीने घडली आहे. हैद्राबाद संघातून टी नटराजनच्या जागी संघातून खेळणाऱ्या युवा गोलंदाज उम्रान मलिकने (Umran Malik) एक दमादर रेकॉर्ड स्वत:च्या नावावर केला आहे.

उम्रान याने त्याच्या पहिल्याच षटकातील तिसऱ्या चेंडूवर तब्बल 150 kmph वेगाने चेंडू फेकला. आय़पीएलच्या इतिहासात कोणत्याही भारतीय गोलंदाजाला इतका वेगवान चेंडू फेकता आला नाही. पण सलामीच्या सामन्यात पहिल्याच षटकात ही कमागिरी करत मलिकने त्याच्या एन्ट्रीचं बिगुलचं जणू वाजवलं आहे. त्याच षटकात मलिकने पहिला चेंडू 145 kmph, दुसरा चेंडू 142 kmph, तिसरा चेंडू 150 kmph, चौथा चेंडू 147 kmph, पाचवा चेंडू 143 kmph आणि सहावा तेंडू 142 kmph या वेगाने फेकत ओव्हरची समाप्ती केली. दरम्यान त्याच्या या कामगिरीनंतर सर्वत्र त्याच्याच नावाची चर्चा असून आयपीएलने त्यांच्या संकेतस्थळावर खास मलिकचा व्हिडीओही पोस्ट केला आहे.

आयपीएलमधील सर्वात वेगवान गोलंदाज (भारतीय)

उम्रान मलिक (सनरायजर्स हैद्राबाद) – 150.06kmph

मोहम्मद सिराज (आरसीबी) – 147.68kmph

मोहम्मद सिराज (आरसीबी) – 147.67kmph

खलिल अहमद (सनरायजर्स हैद्राबाद)- 147.38kmph

उम्रान मलिक (सनरायजर्स हैद्राबाद) – 146.84kmph

कोण आहे उम्रान मलिक?

सनरायजर्स हैद्राबाद संघाचा (SRH) खेळाडू आणि भारताचा गोलंदाजा टी नटराजन (T Natrajan Corona Positive) याला कोरोनाची बाधा झाली. त्यामुळे उम्रान मलिक याला टी नटराजनच्या जागी संघात घेण्यात आलं. उम्रान हा जम्मू आणि काश्मीर संघातील खेळाडू आहे. त्याने आतापर्यंत एक टी20 आणि लिस्ट A सामने खेळले असून त्यामध्ये 4 विकेट्स घेतले आहेत. तो सध्या सनरायजर्स हैद्राबाद संघाचा नेट बोलर म्हणून खेळत असताना आता त्याला संघातही स्थान मिळालं आहे.

हे ही वाचा

IPL 2021: यशस्वी जैस्वालची तुफानी खेळी, चेन्नईवर विजयानंतर धोनीकडून खास गिफ्ट

IPL 2021 : विराटसेना विजयी, पंजाबवर 6 धावांनी विजय, प्लेऑफमध्येही मिळवली एन्ट्री

RCB vs PBKS: पंचाचा चूकीचा निर्णय, राहुल भडकला, दिग्गज क्रिकेटपटू म्हणतो पंचाला तात्काळ बडतर्फ करा, वाचा नेमकं प्रकरण काय?

(SRH Pacer Umran Malik bowls fastes ball by an indian in IPL with 150kmph)

Read Full Article

Click on your DTH Provider to Add TV9 MARATHI