Shardul Thakur Marriage : टीम इंडियाच्या ‘या’ क्रिकेटपटूच्या गाण्यावर शार्दुलचा भावी पत्नीसोबत रोमँटिक डान्स

Shardul Thakur

Shardul Thakur Marriage : टीम इंडियाचा आणखी एक क्रिकेटर लवकरच विवाहबंधनात अडकणार आहे. आज टीम इंडियाचा ऑलराऊंडर क्रिकेटपटू शार्दुल ठाकूरच लग्न आहे. या लग्नाचे विधी सुरु झालेत. काही विधींचे व्हिडिओ सोशल मीडियावर व्हायरल झालेत. यात एका व्हिडिओने सर्वांच लक्ष वेधून घेतलय. शार्दुलच्या संगीत सेरेमनीचा हा व्हिडिओ आहे. या व्हिडिओच वैशिष्टय म्हणजे टीम इंडियाच्या एका प्रसिद्ध खेळाडूने गाणं म्हटलं आहे. आम्ही श्रेयस अय्यर आणि शार्दुल ठाकूरबद्दल बोलतोय.

ऑस्ट्रेलिया विरुद्ध तिसऱ्या कसोटी सामन्याला आता दोन दिवस उरलेत. मात्र तरीही वेळ काढून टीम इंडियातील काही खेळाडू शार्दुलच्या लग्नाचे फंक्शन अटेंड करण्यासाठी पोहोचले. श्रेयस अय्यरने शार्दुलच्या संगीत सेरेमनीमध्ये एक गाण गाऊन माहोल तयार केला.

आधी दोघे एकत्र गात होते

आयपीएल फ्रेंचायजी कोलकाता नाइट रायडर्सने हा व्हिडिओ शेअर केलाय. यात श्रेयस अय्यरच्या गाण्यावर शार्दुल ठाकूर आपल्या भावी पत्नीसोबत रोमँटिक डान्स करताना दिसतोय. आधी दोघे खांद्याला खांदा लावून गाण म्हणत होते. समोर पत्नी दिसल्यानंतर शार्दुल स्टेजवरुन खाली उतरला व श्रेयसच्या गाण्यावर त्याने पत्नीसोबत डान्स केला. सोशल मीडियावर श्रेयस अय्यरच्या गाण्यावर शार्दुल ठाकूरचा पत्नीसोबतचा डान्स व्हायरल झालाय.

हळदीत शार्दुलचा झिंगाट डान्स

शार्दुल ठाकूरच्या हळदीचा व्हिडिओ सुद्धा व्हायरल झालाय. यात तो पिवळ्या सदऱ्यामध्ये झिंगाट डान्स करताना दिसतोय.