Vaibhav Suryavanshi: वैभव सूर्यवंशीची बॅट किती किलोची? या खेळाडूची बॅट सर्वात वजनदार

Vaibhav Suryavanshi Bat Weight: भारतीय दमदार फलंदाज वैभव सूर्यवंशीने यंदाचं आयपीएल गाजवलं. अवघ्या 15 वर्षांच्या या खेळाडूमुळे प्रेक्षकांनी आणि चाहत्यांनी आयपीएल डोक्यावर घेतलं. त्याच्या उत्तुंग आणि गगनचुंबी षटकारांनी अनेकांच्या डोळ्याचं पारणं फेडलं. त्याच्या नावावर आयपीएलच्या हंगामात सर्वाधिक षटकारांचा विश्वविक्रम नोंदवला गेला. त्याने या सर्व सीझनमध्ये एकूण 19 षटकार ठोकले.  वैभव सूर्यवंशीच्या बॅटची जोरदार चर्चा रंगली. त्याची बॅट कोणती, ती कुठं तयार होते. तर तिचं वजन किती याविषयीचे अनेक प्रश्न गुगल करण्यात आले. किती आहे वैभवच्या बॅटचे वजन?

वैभव सूर्यवंशीच्या बॅटचे वजन किती?

वैभव सूर्यवंशी सध्या 1.15 ते 1.18 किलो वजनी बॅट वापरतो. त्याचा कोच मनीष झा यांनी याविषयीची माहिती दिली, त्यानुसार वैभव सुरुवातीला 1100 ग्रॅमची हलकी बॅट वापरायचा आहे. पण जशीजशी त्याची फलंदाजी बहरत गेली. त्याचे उत्तुंग शॉट चर्चेत आले. तसे त्याने इतर बॅटचा वापर सुरू केला. त्यावर त्याने शतकी, अर्धशतकी खेळी खेळली.

वैभव वजनदार बॅट का वापरतो?

अवघ्या 15 वर्षांचा असताना वैभव, त्याच्या वयाच्या इतर अनेक फलंदाजापेक्षा वजनदार बॅटचा वापर करतो. वजनदार बॅटमुळे उत्तुंग षटकार, चौकार मारण्यासाठी आपसूकच बळ मिळते असे मानल्या जाते. तर दमदार बॅटमुळे एक वेगळाच आत्मविश्वास धावपट्टीवर येत असल्याचे अनेक खेळाडूंचे म्हणणे आहे. मैदान गाजवण्यासाठी अनेक जण अशा बॅटचा सहज वापर करतात.

क्रिकेटच्या इतिहासात वजनदार बॅट कुणाची?

क्रिकेटच्या इतिहासात सर्वात वजनदार बॅटचा रेकॉर्ड दक्षिण आफ्रिकेचा माजी ऑलराऊंडर लान्स क्लूसनर याचे नावे आहे. या खेळाडूच्या बॅटचे वजन 1.53 किलो होते. या दमदार खेळाडूने 1990 च्या दशकातील काही वर्षे आणि 2000 च्या सुरुवातीला मैदान गाजवले होते. त्याच्या स्फोटक खेळीने तो गोलंदाजांवर प्रभाव टाकत असे. त्याच्या हिटिंग स्टाईलमुळे गोलंदाज अगोदरच भांबावत.

मास्टर ब्लास्टर सचिन तेंडुलकर यांना सुद्धा वजनदार बॅटची आवड होती. काहींच्या मते त्यांच्या बॅटचे वजन हे 1.47 किलो ते 1.51 किलो दरम्यान होते. विशेष म्हणजे टेनिस एल्बोचा त्रास झाला. त्यानंतर त्यावरील उपचार झाले. तरीही सचिनने हलकी बॅट वापरली नाही. त्याने जुन्याच बॅटचा वापर केला. वेस्ट इंडिजचा धमाकेदार फलंदाज क्रिस गेल याच्या बॅटचे वजनही 1.36 किलो तर सलामीवीर वीरेंद्र सहवाग याच्या बॅटचे वजन 1.35 किलो इतके होते.